കുവൈത്ത് സിറ്റി: ല​ഹ​രി​ മരുന്നുമായി ബന്ധപെട്ട കു​റ്റ​കൃ​ത്യ​ങ്ങ​ളിൽ ഏർപ്പെടുന്നവരെ നാ​ടു​ക​ട​ത്തുന്നത് തുടരുമെന്ന് കുവൈത്ത്. ഈ വർഷം 729 പേ​രെയാണ് നാ​ടു​ക​ട​ത്തി​യ​ത്. വി​വി​ധ കേ​സു​ക​ളിലായി 823 പ്ര​തി​ക​ളെ​യും പി​ടി​കൂ​ടിയിട്ടുണ്ട്. ല​ഹ​രി​യുമായി ബന്ധപ്പെട്ട കേസുകളിൽ ശ​ക്ത​മാ​യ ന​ട​പ​ടി​ക​ൾ തുടർന്നും സ്വീകരിക്കുമെന്നും അധികൃതർ വ്യക്തമാക്കി.

ഈ ​വ​ർ​ഷം 527 ല​ഹ​രി​ക്ക​ട​ത്തു​ക​ൾ കുവൈത്ത് സുരക്ഷാസേന പിടികൂടി. ഇതുമായി ബന്ധപ്പെട്ട് 1,675 പേ​ർ​ക്കെ​തി​രെ​യും 70 അ​ജ്ഞാ​ത വ്യ​ക്തി​ക​ൾ​ക്കെ​തി​രെ​യും കേ​സു​ക​ൾ രജിസ്റ്റർ ചെ​യ്തു. 1,359 മ​യ​ക്കു​മ​രു​ന്ന് ഉ​പ​യോ​ഗ കേ​സു​ക​ളും ഫയൽ ചെയ്തിട്ടുണ്ട്. ആയിരം കിലോയിൽ അധികം ലഹരി മരുന്നുകളും 31 ബാ​ര​ൽ മ​ദ്യ​വും,തോക്കുകളും വെടിയുണ്ടകളും പിടിച്ചെടുത്തതായി അധികൃതർ അറിയിച്ചു.

അടുത്തിടെ കുവൈത്തിൽ വിഷ മദ്യം കഴിച്ചു 160 പേർ ചികിത്സ തേടിയിരുന്നു. ഇതിൽ 23 പേർ മരിക്കുകയും 21 പേർക്ക് കാഴ്ച നഷ്ടമാകുകയും ചെയ്തിരുന്നു. ഇതിന്റെ പശ്ചാത്തലത്തിൽ രാജ്യത്തുടനീളം വ്യാപക പരിശോധനയാണ് അധികൃതർ നടത്തുന്നത്. ഈ വർഷം നാടുകടത്തിയവരിൽ ഭൂരിഭാഗം ആളുകളും മദ്യനിർമ്മാണവുമായി ബന്ധപെട്ടവരാണെന്നാണ് റിപ്പോർട്ടുകൾ.