കുവൈത്ത് സിറ്റി: കുബ്ബൂസിന്റെ വിലയിൽ വർധന ഉണ്ടാകില്ലെന്ന് കു​വൈ​ത്ത് ഫ്ലോ​ർ മി​ൽ​സ് ആ​ൻ​ഡ് ബേ​ക്ക​റീ​സ് ക​മ്പ​നി. ഒരു പാക്കറ്റിന് 50 ഫി​ൽ​സ് എന്ന വിലയിൽ തന്നെ വിൽപ്പന തുടരും. സ​ർ​ക്കാ​രിൽ നിന്ന് സ​ബ്സി​ഡി ലഭിക്കുന്നത് കൊണ്ടാണ് നിലവിലുള്ള വിലയിൽ തന്നെ വിൽക്കാൻ കഴിയുന്നതെന്നും സി ഇ ഒ മു​ത്‌​ലാ​ഖ് അ​ൽ സാ​യി​ദ് പ​റ​ഞ്ഞു.

അ​ടി​സ്ഥാ​ന ഭ​ക്ഷ്യ​വ​സ്തു​ക്ക​ളു​ടെ വി​ല​ നിയന്ത്രിക്കാൻ സ​ർ​ക്കാ​റും ക​മ്പ​നി​യും ചേർന്ന് നിരവധി ശ്രമങ്ങൾ നടത്തുന്നുണ്ട്. വി​ല സ്ഥി​ര​ത ഉ​റ​പ്പാ​ക്കാ​ൻ ഭാ​വി​യി​ലും ഈ പ്രവർത്തനം തുടരും. കമ്പനി നിലവിൽ 4.5 മു​ത​ൽ അ​ഞ്ചു ദ​ശ​ല​ക്ഷം വ​രെ കുബ്ബൂസ് ആണ് പ്രതിദിനം നിർമ്മിക്കുന്നത്. ഇത് തുടരുമെന്നും അധികൃതർ വ്യക്തമാക്കി.

മറ്റ് രാജ്യങ്ങളെ അപേക്ഷിച്ച് കുവൈത്തിൽ ഭക്ഷ്യവസ്തുക്കളുടെ വില കുറവാണ്. മികച്ച ഉൽപ്പാദന- ഗുണനിലവാരത്തിൽ ആണ് ഭക്ഷ്യവസ്തുക്കൾ നിർമ്മിക്കുന്നത്. അക്കാര്യത്തിൽ ഒരു വിട്ടു വീഴ്ചയുമില്ലെന്നും അധികൃതർ വ്യക്തമാക്കി. സ്കൂളുകൾ കേന്ദ്രികരിച്ചും ഭക്ഷ്യ സ്ഥാപനങ്ങൾ ആരംഭിക്കാൻ തീരുമാനിച്ചതായി കു​വൈ​ത്ത് ഫ്ലോ​ർ മി​ൽ​സ് ആ​ൻ​ഡ് ബേ​ക്ക​റീ​സ് ക​മ്പ​നി അറിയിച്ചു.