മസ്കത്ത്: ഒമാനിലെ ജ്വല്ലറിയില് വന് സ്വര്ണ്ണക്കവര്ച്ച. മസ്കത്ത് ഗവര്ണറേറ്റിലെ ജ്വല്ലറിയില് നിന്നാണ് സ്വര്ണം കവര്ന്നത്. ഇരുപത്തിമൂന്നര കോടി രൂപ വില വരുന്ന സ്വര്ണമാണ് കവര്ച്ച ചെയ്യപ്പെട്ടത്. സംഭവത്തില് രണ്ട് യൂറോപ്യന് പൗരന്മാര് പിടിയിലായി.
ജ്വല്ലറിയുടെ ചുമര് തുരന്നാണ് മോഷ്ടാക്കള് സ്വര്ണം കവര്ന്നത്. ടൂറിസ്റ്റ് വിസയിലെത്തിയവരാണ് പിടിയിലായ യൂറോപ്യന് പൗരന്മാര്. അതിസാഹസികമായാണ് പൊലീസ് മോഷ്ടാക്കളെ പിടികൂടിയത്. കടല്ക്കരയില് നിന്നാണ് തൊണ്ടിമുതലുകള് പൊലീസ് കണ്ടെടുത്തത്.
വാടകയ്ക്കെടുത്ത ടൂറിസ്റ്റ് ബോട്ടിലാണ് ഇവര് കവര്ച്ച ചെയ്ത സ്വര്ണവും പണവും കടല്ക്കരയിലെത്തിച്ച് ഒളിപ്പിച്ചതെന്നാണ് റിപ്പോര്ട്ട്. ജ്വല്ലറിക്ക് സമീപം മുറിയെടുത്ത്, പിന്നിലെ ഭിത്തി തുരന്ന് അകത്തു കടന്നാണ് മോഷണം നടത്തിയത്. കവര്ച്ചയ്ക്ക് ഉപയോഗിച്ച് ആയുധങ്ങള് അടക്കം കണ്ടെടുത്തതായും, വിശദമായ അന്വേഷണം നടത്തി വരികയാണെന്നും ഒമാന് പൊലീസ് സൂചിപ്പിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates