മസ്കത്ത്: പ്രവാസി തൊഴിലാളികളുടെ സമ്മതമില്ലാതെ  പാ​സ്പോ​ർ​ട്ടു​ക​ൾ  തൊഴിലുടമകൾക്ക് കൈ​വ​ശം വെ​ക്കാ​ൻ അനുവാദമില്ലെന്ന് ഓർമ്മപ്പെടുത്തി ജ​ന​റ​ൽ ഫെ​ഡ​റേ​ഷ​ൻ ഓ​ഫ് ഒ​മാ​ൻ വ​ർ​ക്കേ​ഴ്‌​സ്. രാജ്യത്തെ നിയമം അനുസരിച്ച് തൊഴിൽ ഉടമ പ്രവാസികളുടെ പാ​സ്‌​പോ​ർ​ട്ട് കൈവശം വെക്കുന്നത് നിയമ വിരുദ്ധമാണ്. പാ​സ്പോ​ർ​ട്ടുകൾ കൈവശം വെച്ചിരിക്കുന്ന ഉടമകൾ അവ തൊഴിലാളികൾക്ക് തിരികെ നൽകണമെന്നും അധികൃതർ വ്യക്തമാക്കി.

പു​തി​യ തൊ​ഴി​ൽ നി​യ​മത്തിലെ റോ​യ​ൽ ഡി​ക്രി ന​മ്പ​ർ 53/2023 ലെ ​ആ​ർ​ട്ടി​ക്കി​ൾ ആ​റി​ൽ ഈ ​വ്യ​വ​സ്ഥ വ്യ​ക്ത​മാക്കിയിട്ടുണ്ട്. തൊ​ഴി​ലാ​ളി​യു​ടെ രേ​ഖാ​മൂ​ല​മു​ള്ള സ​മ്മ​ത​ത്തോ​ടെ​യ​ല്ലാ​തെ തൊ​ഴി​ലാ​ളി​യു​ടെ പാ​സ്പോ​ർ​ട്ടോ സ്വ​കാ​ര്യ രേ​ഖ​ക​ളോ സൂ​ക്ഷി​ക്കാ​ൻ തൊ​ഴി​ലു​ട​മ​ക്ക് അ​നു​വാ​ദ​മി​ല്ലെന്നാണ് ഈ നിയമത്തിൽ പറയുന്നത്.

എ​ല്ലാ തൊ​ഴി​ലാ​ളി​ക​ൾ​ക്കും അ​വ​രു​ടെ പാ​സ്പോ​ർ​ട്ടു​ക​ളും വ്യ​ക്തി​ഗ​ത രേ​ഖ​ക​ളും സൂ​ക്ഷി​ക്കാ​ൻ അ​വ​കാ​ശ​മു​ണ്ട്. ഈ നിയമം ലംഘിച്ചാൽ തൊഴിലുടമക്കെതിരെ തുടർനടപടികൾ സ്വീകരിക്കും.

ജീവനക്കാരന്റെ അനുമതിയില്ലാതെ പാ​സ്‌​പോ​ർ​ട്ട് സൂ​ക്ഷി​ക്കാ​ൻ ഒ​രു ക​മ്പ​നി​ക്കും അ​ധി​കാ​ര​മി​ല്ലെ​ന്ന് നേരത്തെ തന്നെ തൊഴിൽ വകുപ്പ് ഉ​ദ്യോ​ഗ​സ്ഥ​ർ വ്യക്തമാക്കിയിട്ടുണ്ട്. ഏതെങ്കിലും തൊഴിലാളിയുടെ പാ​സ്‌​പോ​ർ​ട്ട് കമ്പനി അധികൃതരോ,തൊഴിലുടമയോ കൈ​വ​ശം വെ​ച്ചി​ട്ടു​ണ്ടെ​ങ്കി​ൽ തൊ​ഴി​ൽ മ​ന്ത്രാ​ല​യ​ത്തെ സ​മീ​പി​ക്കണം.​

ജീ​വ​ന​ക്കാ​രെ പാ​സ്​​പോ​ർ​ട്ട്​ സ​റ​ണ്ട​ർ ചെയ്തില്ല എന്നതിന്റെ പേരിൽ ജോലിയിൽ നിന്ന് പി​രി​ച്ചു​വി​ടു​ന്ന​ത് നി​യ​മ​വി​രു​ദ്ധ​മാ​യി ക​ണ​ക്കാ​ക്കുമെന്നും അധികൃതർ വ്യക്തമാക്കി.