ദോഹ: വെ​ള്ളി​യാ​ഴ്ച ജു​മു​അ സ​മ​യ​ത്ത് വാ​ണി​ജ്യ സ്ഥാ​പ​ന​ങ്ങ​ൾ​  അടച്ചിടണമെന്ന നിർദേശവുമായി ഖത്തർ. ജു​മു​അ​യു​ടെ ഒ​ന്നാ​മ​ത്തെ ബാ​ങ്കു മു​ത​ൽ ഒ​ന്ന​ര മണിക്കൂർ സ്ഥാ​പ​ന​ങ്ങ​ൾ അടച്ചിടണം. ആ​ശു​പ​ത്രി​ക​ളും ഹോ​ട്ട​ലു​ക​ളു​മ​ട​ക്കം 12 അ​വ​ശ്യ സ​ർ​വി​സു​ക​ൾക്ക് പുതിയ തീരുമാനം ബാധകമല്ല. വ്യ​വ​സാ​യ മ​ന്ത്രാ​ല​യം പുറത്തിറക്കിയ ഉത്തരവ് അടുത്ത വെള്ളിയാഴ്ച മുതൽ പ്രാബല്യത്തിൽ വരും.

വാ​ണി​ജ്യ, വ്യ​വ​സാ​യ, പൊ​തു സ്ഥാ​പ​ന​ങ്ങ​ൾ​ക്കെ​ല്ലാം പുതിയ ഉ​ത്ത​ര​വ് ബാ​ധ​ക​മാ​ണ്. വിവിധ തരത്തിലുള്ള ആ​ശു​പ​ത്രി​ക​ൾ, ഹോ​ട്ട​ലു​ക​ൾ, ഗ്യാ​സ് സ്റ്റേ​ഷ​നു​ക​ൾ, വി​മാ​ന​ത്താ​വ​ളങ്ങളിൽ പ്രവർത്തിക്കുന്ന ഭക്ഷ്യ സ്ഥാപനങ്ങൾ, ടെ​ലി​ക​മ്യൂ​ണി​ക്കേ​ഷ​ൻ ക​മ്പ​നി​ക​ൾ, വെ​ള്ളം-​വൈ​ദ്യു​തി ഉ​ൽ​പാ​ദ​ന കേ​ന്ദ്ര​ങ്ങ​ൾ, ബേ​ക്ക​റി​ക​ൾ, എ​യ​ർ​ലൈ​ൻ ക​മ്പ​നി ഓ​ഫി​സു​ക​ൾ, ഷി​ഫ്റ്റ് സം​വി​ധാ​ന​ത്തി​ൽ പൂ​ർ​ണ​സ​മ​യം പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ൾ തുടങ്ങിയവയെ പുതിയ ഉത്തരവിൽ നിന്ന് ഒഴിവാക്കിയിട്ടുണ്ട്.

ഇതുമായി ബ​ന്ധ​പ്പെ​ട്ട് എ​ല്ലാ അ​തോ​റി​റ്റി​ക​ളും ഉത്തരവ് നടപ്പാക്കുന്നതിനുള്ള ക്രമീകരങ്ങൾ ചെയ്യണമെന്നും ഉത്തരവ് ലംഘിച്ചാൽ നിയമ നടപടി സ്വീകരിക്കുമെന്നും വ്യ​വ​സാ​യ മന്ത്രാലയം അറിയിച്ചു.