ദുബൈ: യു എ ഇയിൽ ഈ അധ്യയന വർഷത്തിലെ ശൈത്യകാല അവധിക്കാലം പ്രഖ്യാപിച്ചു. 2025ഡിസംബർ 8 മുതൽ 2026 ജനുവരി 4 വരെയാണ് അവധി. നാല് ആഴ്ച നീണ്ടുനിൽക്കുന്ന ശൈത്യകാല അവധിക്കാലമാണ് വിദ്യാർത്ഥികളെയും രക്ഷിതാക്കളെയും കാത്തിരിക്കുന്നത്.

കുടുംബത്തോടൊപ്പം കൂടുതൽ സമയം ചെലവഴിക്കാനും യാത്ര പോകാനുമുള്ള മികച്ച വസരമാണ് ഇതിലൂടെ ലഭിക്കുന്നത്. എന്നാൽ നോളജ് ആൻഡ് ഹ്യൂമൻ ഡെവലപ്‌മെന്റ് അതോറിറ്റി (കെ എച്ച് ഡി എ ) യുടെ കീഴിൽ പ്രവർത്തിക്കുന്ന  ദുബൈയിലെ സ്വകാര്യ സ്കൂളുകളിൽ അവധിക്കാലത്തിന് ചെറിയ മാറ്റമുണ്ട്.

ഏപ്രിലിൽ അധ്യയന വർഷം ആരംഭിക്കുന്ന ഇന്ത്യൻ പാഠ്യപദ്ധതിയിൽ പ്രവർത്തിക്കുന്ന സ്കൂളുകൾക്ക് 2025 ഡിസംബർ 15-ന് ശൈത്യകാല അവധി ആരംഭിക്കുക.

അവധിക്ക് മുൻപ് ഒന്നാം ടേം പരീക്ഷകളും പാഠ്യപദ്ധതികളും പൂർത്തിയാക്കാൻ അധ്യാപകർക്ക് നിർദേശം നൽകിയിട്ടുണ്ട്. വിദ്യാഭ്യാസ മന്ത്രാലയം അംഗീകരിച്ച ഈ കലണ്ടർ തീയതികൾ എല്ലാ വിദ്യാഭ്യാസ സ്ഥാപനങ്ങളും കർശനമായി പിന്തുടരണമെന്നും വീഴ്ച വരുത്തിയാൽ കർശന നടപടിയുണ്ടാകുമെന്നും അധികൃതർ വ്യക്തമാക്കി.