റായ്പൂര്‍ : ഛത്തീസ്ഗഡിലെ ബീജാപൂര്‍ ജില്ലയില്‍ ഏറ്റുമുട്ടലില്‍ 10 നക്‌സലൈറ്റുകളെ സുരക്ഷാസേന വധിച്ചു. രാവിലെ 11 മണിയോടെ ബെയ്‌രാം ഗാര്‍ഹ് പൊലീസ് സ്റ്റേഷന്‍ പരിധിയിലുള്ള വനത്തില്‍ വെച്ചായിരുന്നു ഏറ്റുമുട്ടലുണ്ടായത്.
സ്‌പെഷല്‍ ടാസ്‌ക് ഫോഴ്‌സ്, ഡിസ്ട്രിക്ട് റിസര്‍വ് ഗാര്‍ഡ് എന്നിവ സംയുക്തമായാണ് നക്‌സല്‍ ഓപ്പറേഷന്‍ നടത്തിയത്. സുക്മ, ബീജാപൂര്‍ മേഖലകളില്‍ നക്‌സലുകള്‍ പരിശീലന ക്യാമ്പുകള്‍ തുടങ്ങാന്‍ ശ്രമിക്കുന്നുവെന്ന രഹസ്യവിവരത്തെ തുടര്‍ന്നായിരുന്നു ഓപ്പറേഷന്‍ ആസൂത്രണം ചെയ്തത്.
ഈ ക്യാമ്പുകള്‍ നശിപ്പിച്ചതായി പൊലീസ് വ്യക്തമാക്കി. 10 നക്‌സലുകളുടെ മൃതദേഹം കണ്ടെത്തിയെന്നും, 11 ഓളം ആയുധങ്ങള്‍ ലഭിച്ചതായും ബീജാപൂര്‍ പൊലീസ് സൂപ്രണ്ട് മോഹിത് ഗാര്‍ഗ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates