ന്യൂഡല്‍ഹി: 24 മണിക്കൂറിനിടെ, തുടര്‍ച്ചയായി രണ്ടാം തവണയും നിക്കോബാര്‍ ദ്വീപുകളില്‍ ഭൂചലനം. ഭൂകമ്പമാപിനിയില്‍ അഞ്ച് രേഖപ്പെടുത്തിയ ഭൂചലനമാണ് അനുഭവപ്പെട്ടത്. ശനിയാഴ്ച രാത്രി 9.50ഓടേയാണ് ഭൂചലനം സംഭവിച്ചത്. സംഭവത്തില്‍ ആളപായമോ, നാശനഷ്ടമോ രേഖപ്പെടുത്തിയിട്ടില്ല. ഏകദേശം ഈ സമയത്തോടനുബന്ധിച്ച് ഉത്തരാഖണ്ഡിലും കുലുക്കം അനുഭവപ്പെട്ടു. 

ശനിയാഴ്ച പുലര്‍ച്ചെ  4.44ന് സമാനമായ ഭൂചലനം രേഖപ്പെടുത്തിയിരുന്നു. ഭൂകമ്പമാപിനിയില്‍ 4.7 രേഖപ്പെടുത്തിയ ഭൂചലനമാണ് അനുഭവപ്പെട്ടത്. സംഭവത്തില്‍ ആളപായമോ, നാശനഷ്ടമോ രേഖപ്പെടുത്തിയിട്ടില്ല. പത്തുകിലോമീറ്റര്‍ ആഴത്തിലാണ് ഭൂചലനം ഉണ്ടായത്.