ചണ്ഡീഗഡ്: പഞ്ചാബില്‍ ജയന്റ് വീല്‍ തകര്‍ന്നുവീണ് കുട്ടികളും സ്ത്രീകളും ഉള്‍പ്പെടെ കുറഞ്ഞത് പത്തുപേര്‍ക്ക് പരിക്ക്. പരിക്കേറ്റവരെ പൊലീസെത്തി ആശുപത്രിയില്‍ എത്തിച്ചു.

മൊഹാലിയില്‍ ഞായറാഴ്ച വൈകീട്ടാണ് സംഭവം. ജയന്റ് വീല്‍ താഴേക്ക് പൊട്ടിവീഴുകയായിരുന്നു. അവധി ദിവസമായതിനാല്‍ വ്യാപാരമേള നടക്കുന്ന ദസറ ഗ്രൗണ്ടില്‍ നിറയെ ആളുകളായിരുന്നു. മുഴുവന്‍ ആളുകളുമായി റൈഡ് നടത്തിയിരുന്ന ജയിന്റ് വീലാണ് തകര്‍ന്നുവീണത്.

സംഭവം അറിഞ്ഞ് സ്ഥലത്തെത്തിയ പൊലീസ് നാട്ടുകാരുടെ സഹായത്തോടെയാണ് രക്ഷാപ്രവര്‍ത്തനം നടത്തിയത്. പരിക്കേറ്റവരെ ഉടനെ തന്നെ ആശുപത്രിയില്‍ പ്രവേശിപ്പിച്ചു. ജയിന്റ് വീല്‍ പൊട്ടിവീഴുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്.

ഈ വാര്‍ത്ത കൂടി വായിക്കൂ 

പിഞ്ചു കുഞ്ഞ് കടുവയുടെ വായില്‍, രക്ഷിക്കാനായി അമ്മയുടെ ജീവന്മരണ പോരാട്ടം; ധീരത

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്‌. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ