കൊല്ക്കത്ത:തൃണമൂല് കോണ്ഗ്രസില് ചേര്ന്ന ബിജെപി പ്രവര്ത്തകരില് നിന്ന് ബിജെപി വൈറസിനെ ഇല്ലാതാക്കാന് സാനിറ്റൈസര് ഉപയോഗിച്ച് ശുദ്ധീകരിച്ചു. ബംഗാളിലെ ബിര്ഭമിലാണ് സംഭവം. 150 ബിജെപി പ്രവര്ത്തകരാണ് ടിഎംസിയില് ചേര്ന്നത്.
പാര്ട്ടിയിലെത്തിയ ബിജെപി പ്രവര്ത്തകരില് ബിജെപി വൈറസ് ഉള്ളതിനാലാണ് അവരെ സാനിറ്റൈസര് ഉപയോഗിച്ച് ശുദ്ധീകരിച്ചതെന്ന് പാര്ട്ടി നേതാക്കള് പറഞ്ഞു. ബിജെപി പ്രവര്ത്തകര് അംഗത്വം സ്വീകരിച്ചതിന് പിന്നാലെ നടന്നുപോകുമ്പോള് അണുവിമുക്തമാക്കുന്നതും വീഡിയോയില് കാണാം. പൂര്ണമായി ബിജെപി വൈറസിനെ ഒഴിവാക്കുകയാണ് തങ്ങള് ലക്ഷ്യമിട്ടതെന്ന് ടിഎംസി പ്രവര്ത്തകര് പറഞ്ഞു.
നേരത്തെ 200 ഓളം പ്രവര്ത്തകര് തലമൊട്ടയടിച്ച് ഗംഗാജലം തളിച്ച് ശുദ്ധിയായ ശേഷം തൃണമൂല് കോണ്ഗ്രസില് ചേര്ന്നിരുന്നു. ബംഗാളില് ബിജെപി വിട്ട് നിരവധി പ്രവര്ത്തകരാണ് ടിഎംസിയിലേക്ക് മടങ്ങിയെത്തുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates