ലഖ്‌നൗ: പ്രധാനമന്ത്രി നരേന്ദ്ര മോദിക്കും യുപി മുഖ്യമന്ത്രി യോ​ഗി ആദിത്യനാഥിനുമെതിരെ വധഭീഷണി സന്ദേശം അയച്ച 16കാരൻ അറസ്റ്റിൽ. ഒരു മീഡിയ ഹൗസിലേക്ക് ഇ-മെയിൽ വഴിയാണ് വിദ്യാർഥി സന്ദേശം അയച്ചത്.

സന്ദേശത്തിൽ പ്രധാനമന്ത്രിയേയും യുപി മുഖ്യമന്ത്രിയേയും വധിക്കാൻ പോവുകയാണെന്ന് വിദ്യാർഥി പറഞ്ഞു. ഏപ്രിൽ 5 ന് മീഡിയ ഹൗസ് നൽകിയ പരാതിയിൽ സെക്ടർ 20 പൊലീസ് കേസെടുത്ത് അന്വേഷണം ആരംഭിച്ചു. 

അന്വേഷണത്തിൽ ഇ-മെയിലിന്റെ ഉറവിടം ലഖ്‌നൗവിന് സമീപം ചിൻഹട്ടിലാണെന്ന് കണ്ടെത്തി. തുടർന്നാണ് അന്വേഷണം വിദ്യാർഥിയിലേക്ക് എത്തിയത്. വെള്ളിയാഴ്ച ചിൻഹട്ടിലിൽ നിന്നാണ് ബിഹാർ സ്വാദേശിയായ വിദ്യാർഥിയെ നോയിഡ പൊലീസ് അറസ്റ്റ് ചെയ്‌തത്. 

ടെക്നിക്കൽ ടീമിന്റെ സഹോയത്തോടെയാണ് ഇ-മെയിൽ സന്ദേശത്തിന്റെ ഉറവിടം കണ്ടെത്തിയതെന്ന് നോയിഡ എസിപി രജനീഷ് വർമ പറഞ്ഞു. ജുവനൈൽ കോടതിയിൽ ഹാജരാക്കിയ പ്രതിയെ പിന്നീട് ജാമ്യത്തിൽ വിട്ടു.

ഈ വാര്‍ത്ത കൂടി വായിക്കൂ 

ദലിത് യുവതിയെ ബലാത്സംഗം ചെയ്തു, രാസദ്രാവകം ഒഴിച്ചു കത്തിച്ചു; അറസ്റ്റ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ