ചെന്നൈ: ഐഐടി മ​ദ്രാസിൽ വീണ്ടും വിദ്യാർഥി ആത്മഹത്യ ചെയ്‌തു. രണ്ടാം വർഷ കെമിക്കൽ എഞ്ചിനീയറിങ് വിദ്യാർഥിയെ ഹോസ്റ്റൽ മുറിയിൽ തൂങ്ങി മരിച്ച നിലയിൽ കണ്ടെത്തി. മധ്യപ്രദേശ് സ്വദേശി സുരേഷ് (20) ആണ് മരിച്ചത്. വെള്ളിയാഴ്ച രാവിലെ ഏറെ വൈകിയും മുറി തുറക്കാതിരുന്നതിനെ തുടർന്ന് പരിശോധിച്ചപ്പോഴാണ് മുറിയിലെ ഫാനിൽ തൂങ്ങി മരിച്ച നിലയിൽ വിദ്യാർഥിയെ കണ്ടെത്തിയത്.

സംഭവത്തിൽ പൊലീസ് അന്വേഷണം ആരംഭിച്ചു. മുറിയിൽ നിന്നും വിദ്യാർഥിയുടെതെന്ന് കരുതുന്ന ഒരു കത്ത് പൊലീസിന് കിട്ടി. തന്നോട് നല്ലരീതിയിൽ പെരുമാറിയ സുഹൃത്തുക്കളോട് നന്ദി പറയുന്നതായി കത്തിൽ എഴുതിയിട്ടുണ്ടെന്ന് പൊലീസ് പറഞ്ഞു. എല്ലാവരും തിരക്കിലാണ്, എനിക്ക് വേണ്ടി നീക്കി വെക്കാൻ ആർക്കും സമയമില്ലെന്ന് വിദ്യാർഥി നിരന്തരം പരാതിപ്പെട്ടിരുന്നതായി സുഹൃത്തുക്കൾ പറഞ്ഞു.

ഈ വർഷം ഐഐടി മദ്രാസിൽ റിപ്പോർട്ട് ചെയ്യുന്ന നാലാമത്തെ ആത്മഹത്യയാണിത്. മാർച്ച് 31നാണ് ഒരു പിഎച്ച്ഡി വിദ്യാർഥി ആത്മഹത്യ ചെയ്‌തത്. അതേസമയം വിദ്യാർഥികളുടെ സമ്മർദം കുറയ്‌ക്കുന്നതിനായി നടപടികൾ സ്വീകരിച്ചു വരികയാണെന്ന് ഐഐടി മദ്രാസ് പ്രതികരിച്ചു. 

ഈ വാർത്ത കൂടി വായിക്കൂ 

ഡൽഹിയിൽ 25കാരിയായ ലിവ് ഇൻ പാർട്ണറെ കഴുത്ത് ഞെരിച്ച് കൊലപ്പെടുത്തി; സുഹൃത്തിനെ വിളിച്ചുവരുത്തി മൃതദേഹം ബൈക്കിൽ കൊണ്ടുപോയി; 12 കിലോമീറ്റർ അകലെ തള്ളി

സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ