മുംബൈ: മഹാരാഷ്ട്രയിലും ഉത്തരേന്ത്യന്‍ സംസ്ഥാനങ്ങളിലും കനത്തമഴയാണ്. താഴ്ന്നപ്രദേശങ്ങളില്‍ പലയിടത്തും വെള്ളം കയറി ജനം ദുരിതം നേരിടുകയാണ്. അതിനിടെ മഹാരാഷ്ട്രയില്‍ പുഴയില്‍ സിലിണ്ടറുകള്‍ ഒഴുകുന്ന കാഴ്ചയാണ് ഇപ്പോള്‍ സോഷ്യല്‍മീഡിയയില്‍ വ്യാപകമായി പ്രചരിക്കുന്നത്.
റായ്ഗഡിലാണ് സംഭവം. ഇവിടെയുള്ള എല്‍പിജി ബോട്ട്‌ലിങ് പ്ലാന്റില്‍ വെള്ളം കയറിയതിനെ തുടര്‍ന്നാണ് മൂവായിരത്തോളം സിലിണ്ടറുകള്‍ പുഴയിലേക്ക് ഒഴുകിയെത്തിയത്. ശക്തമായ ഒഴുക്കില്‍ പാതല്‍ഗംഗ നദിയിലേക്കാണ് ഗ്യാസ് കുറ്റികള്‍ ഒഴുകിയെത്തിയത്. ബോട്ട്‌ലിങ് പ്ലാന്റിന്റെ മതില്‍ തകര്‍ത്താണ് സിലിണ്ടറുകള്‍ കൂട്ടത്തോടെ ഒഴുക്കില്‍ പുറത്ത് എത്തിയത്.
പാചക വാതകത്തിനു ക്ഷാമം നേരിടുന്ന കാലത്ത് ഇങ്ങനെയൊരു കാഴ്ച കണ്ട നാട്ടുകാര്‍ സിലിണ്ടറുകള്‍ വാരിക്കൂട്ടാന്‍ പുഴയുടെ തീരങ്ങളില്‍ തടിച്ചുകൂടി. ഇവരെടുത്ത വിഡിയോകളാണ് സാമൂഹിക മാധ്യമങ്ങളില്‍ നിറയുന്നത്. സിലിണ്ടറുകള്‍ കണ്ടാല്‍ ഉടന്‍ വിവരം അറിയിക്കണമെന്നാണ് അധികൃതര്‍ അറിയിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates