മൊഹാലി: സ്‌കൂളിലെ 42 വിദ്യാര്‍ഥികള്‍ ഉള്‍പ്പടെ 45 പേര്‍ക്ക് കോവിഡ്. പഞ്ചാബിലെ തംഗോരിയിലെ റെസിഡന്‍ഷ്യല്‍ സ്‌കൂളിലെ കുട്ടികള്‍ക്കാണ് വൈറസ് ബാധ സ്ഥിരീകരിച്ചത്.

രോഗബാധിതരെ കോവിഡ് കെയര്‍ സെന്ററിലേക്ക് മാറ്റിയിട്ടുണ്ട്. മറ്റുള്ളവരെ വീടുകളില്‍ നിരീക്ഷണത്തിലാക്കി. സ്‌കൂള്‍ ഡയറക്ടര്‍ക്കെതിരെ എഫ്‌ഐആര്‍  രജിസ്റ്റര്‍ ചെയ്തതായി മൊഹാലി കലക്ടര്‍ അറിയിച്ചു.

പഞ്ചാബില്‍ കോവിഡ് വ്യാപനം രൂക്ഷമാണ്. ഇന്നലെയാണ് സംസ്ഥാനത്ത് ഏറ്റവും പേര്‍ക്ക് കോവിഡ് സ്ഥിരികരിച്ചത്. കടുത്ത നിയന്ത്രണളുടെ ഭാഗമായി രാത്രി കര്‍ഫ്യൂവും വാരാന്ത്യ ലോക്ഡൗണും പ്രഖ്യാപിച്ചു. വൈകിട്ട് 6 മുതല്‍ പുലര്‍ച്ചെ 5 വരെയാണു കര്‍ഫ്യു. വെള്ളിയാഴ്ച വൈകിട്ട് 6 മുതല്‍ തിങ്കളാഴ്ച രാവിലെ 5 വരെയാണു വാരാന്ത്യ ലോക്ഡൗണ്‍.