ഡെറാഡൂണ്‍ : ഉത്തരാഖണ്ഡില്‍ കനത്ത മണ്ണിടിച്ചില്‍. നിറയെ യാത്രക്കാരുമായി പോയ ബസ് തലനാരിഴയ്ക്കാണ് വന്‍ അപകടത്തില്‍ നിന്നും രക്ഷപ്പെട്ടത്. 

ബസ് എത്തിയപ്പോഴേക്കും മണ്ണ് ഇടിഞ്ഞ് റോഡില്‍ വീണ് ഗതാഗതം തടസ്സപ്പെട്ടിരുന്നു. യാത്രക്കാര്‍ നോക്കിനില്‍ക്കെ മരങ്ങള്‍ സഹിതം മല ഇടിഞ്ഞ് വീഴുകയായിരുന്നു. 

ഇതോടെ പേടിച്ച യാത്രക്കാര്‍ വാഹനത്തിന്റെ ജനലിലൂടെയും മറ്റും വെളിയിലേക്ക് ചാടി ഓടുന്നത് വീഡിയോ ദൃശ്യങ്ങളില്‍ കാണാം. കനത്ത മഴയെത്തുടര്‍ന്ന് ഉത്തരാഖണ്ഡില്‍ കഴിഞ്ഞ ഏതാനും ആഴ്ചകളായി മണ്ണിടിച്ചില്‍ തുടരുകയാണ്.