മുംബൈ: എബിവിപി ദേശീയ സെക്രട്ടറി അനികേത് ഓവ്ഹാല്‍ നദിയില്‍ മുങ്ങിമരിച്ചു. മഹാരാഷ്ട്രയിലെ നന്ദുര്‍ബാര്‍ ജില്ലയില്‍ നദിയില്‍ നീന്തുന്നതിനിടെയാണ് അപകടം ഉണ്ടായത്.

ബുധനാഴ്ചയാണ് സംഭവം. നന്ദുര്‍ബാറിലെ ധദ്ഗാവ് പ്രദേശത്തെ നദിയില്‍ കൂട്ടുകാരൊന്നിച്ച് നീന്താന്‍ പോയതാണ് അനികേതെന്ന് എബിവിപി നേതാക്കള്‍ അറിയിച്ചു. നീന്തുന്നതിനിടെ അനികേത് ചുഴിയില്‍ അകപ്പെടുകയായിരുന്നുവെന്നും നേതാക്കള്‍ വ്യക്തമാക്കി.

രണ്ടുവര്‍ഷം മുമ്പാണ് അനികേത് എബിവിപി മഹാരാഷ്ട്ര സെക്രട്ടറി പദത്തില്‍നിന്ന് ദേശീയ പദവിയിലേക്ക് എത്തിയത്. ജെഎന്‍യൂ സര്‍വകലാശാലയിലെ എബിവിപി പ്രതിഷേധത്തില്‍ അനികേത് സജീവമായിരുന്നു.