കൊല്ക്കത്ത: പശ്ചിമബംഗാളിനെ ഞെട്ടിച്ച് മറ്റൊരു നടിയെയും മരിച്ചനിലയില് കണ്ടെത്തി. മോഡല് കൂടിയായ മഞ്ജുഷ നിയോഗിയെ വീട്ടില് തൂങ്ങി മരിച്ചനിലയില് കണ്ടെത്തുകയായിരുന്നു. സുഹൃത്തും സിനിമാ ലോകത്തെ സഹപ്രവര്ത്തകയുമായിരുന്ന ബിദിഷ ഡി മജുംദാറിന്റെ ആകസ്മികമായ മരണത്തില് മകള് വിഷാദത്തിലായിരുന്നുവെന്ന് അമ്മ പറയുന്നു.
വെള്ളിയാഴ്ച കൊല്ക്കത്തയിലെ പട്ടുലി പ്രദേശത്തെ വീട്ടിലാണ് മഞ്ജുഷ നിയോഗിയെ മരിച്ചനിലയില് കണ്ടെത്തിയത്. രണ്ടു ദിവസം മുന്പാണ് കൂട്ടുകാരി ബിദിഷ ഡി മജുംദാറിനെ മരിച്ചനിലയില് കണ്ടെത്തിയത്. കൂട്ടുകാരി വിട്ടുപോയത് മുതല് മകള് വിഷാദത്തിലായിരുന്നുവെന്നാണ് മഞ്ജുഷ നിയോഗിയുടെ അമ്മ പറയുന്നത്.വിവാഹവുമായി ബന്ധപ്പെട്ട ഫോട്ടോ ഷൂട്ടുകളില് നിറസാന്നിധ്യമായിരുന്നു ബിദിഷ. മഞ്ജുഷയുടേതിന് സമാനമായിരുന്നു ബിദിഷയുടെയും മരണം. വാടക വീട്ടില് തൂങ്ങിമരിച്ചനിലയിലാണ് ബിദിഷയെ കണ്ടെത്തിയത്.
മഞ്ജുഷയുടെ മൃതദേഹം പോസ്റ്റ്മോര്ട്ടത്തിന് അയച്ചു. പോസ്റ്റ്മോര്ട്ടത്തിന് ശേഷം മാത്രമേ മരണകാരണം വ്യക്തമാകുകയുള്ളൂവെന്ന് പൊലീസ് പറയുന്നു. കൂട്ടുകാരിയുടെ മരണശേഷം എപ്പോഴും ബിദിഷയെ കുറിച്ച് പറയുമായിരുന്നുവെന്നും മഞ്ജുഷയുടെ അമ്മ പറയുന്നു. രണ്ടാഴ്ച മുന്പാണ് പ്രമുഖ ടെലിവിഷന് താരം പല്ലബി ഡേയെ സമാനമായ നിലയില് മരിച്ചനിലയില് കണ്ടെത്തിയത്. വാടക വീട്ടില് ഇവരെ മരിച്ചനിലയില് കണ്ടെത്തുകയായിരുന്നു.
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates