കൊല്ക്കത്ത: ഒരു ബിജെപി എംഎല്എ കൂടി പാര്ട്ടി വിട്ട് തൃണമൂല് കോണ്ഗ്രസില് ചേര്ന്നു. കാളിയഗഞ്ച് എംഎല്എ സൗമന് റോയി ആണ് മന്ത്രി പാര്ത്ഥ ചാറ്റര്ജിയുടെ സാന്നിധ്യത്തില് ടിഎംസിയില് തിരികെയെത്തിയത്.
ഒരു പ്രത്യേകസാഹചര്യത്തിലാണ് ബിജെപി സ്ഥാനാര്ഥിയായി മത്സരിച്ചത്. എന്നാല് തന്റെ ഹൃദയവും ആത്മാവും തൃണമൂല് കോണ്ഗ്രസാണെന്ന് സൗമന് റോയി പറഞ്ഞു. മുഖ്യമന്ത്രി മമതാബാനര്ജിയുടെ ശ്രമങ്ങള്ക്ക് പിന്തുണനല്കുന്നതിനാണ് വീണ്ടും ടിഎംസിയില് ചേര്ന്നത്. പാര്ട്ടിയില് നിന്ന് രാജിവെച്ചതില് ക്ഷമചോദിക്കുന്നതായും അദ്ദേഹം പറഞ്ഞു.
പശ്ചിമബംഗാളില് മമതാ ബാനാര്ജി വീണ്ടും അധികാരത്തിലെത്തിയതിന് പിന്നാലെ, ടിഎംസി വിട്ട് ബിജെപിയില് ചേര്ന്നവര് പാര്ട്ടിയിലേക്ക് തന്നെ മടങ്ങിയെത്തിയിരുന്നു. കഴിഞ്ഞ ദിവസങ്ങളില് നാല് ബിജെപി എംഎല്എമാരാണ് പാര്ട്ടി വിട്ടത്. സൗമന് റോയ് കൂടി പാര്ട്ടി വിട്ടതോടെ ബിജെപി എംഎല്എമാരുടെ എണ്ണം 71 ആയി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates