പറ്റ്‌ന: ബിഹാറില്‍ എഴുപതുകാരനെ നടുറോഡില്‍ തല്ലിച്ചതച്ച് പൊലീസ്. തിരക്കേറിയ റോഡില്‍ വയോധികനെ വനിതാ പൊലീസ് മര്‍ദിക്കുന്ന ദൃശ്യങ്ങള്‍ സോഷ്യല്‍ മീഡിയയില്‍ വൈറല്‍ ആയി. സംഭവത്തില്‍ പൊലീസ് ഇതുവരെ പ്രതികരിച്ചിട്ടില്ല.

സൈക്കിളില്‍നിന്നു വീണപ്പോള്‍ എഴുന്നേല്‍ക്കാന്‍ വൈകിയതിനാണ് പൊലീസ് ഇയാളെ തല്ലിയതെന്ന്, വിഡിയോ പങ്കുവച്ച മാധ്യമപ്രവര്‍ത്തകന്‍ മുകേഷ് സിങ് ട്വിറ്ററില്‍ കുറിച്ചു. കൈമൂറിലെ സ്വകാര്യ സ്‌കൂളിലെ അധ്യാപകനായ പാണ്ഡേ ആണ് ഇതെന്നും കുറിപ്പില്‍ പറയുന്നു.

വിഡിയോ സാമൂഹ്യ മാധ്യമങ്ങളില്‍ ഒട്ടേറെ പേര്‍ പങ്കുവച്ചിട്ടുണ്ട്. ബിഹാറില്‍ കാട്ടു ഭരണമാണ് നടക്കുന്നതെന്ന വിമര്‍ശനം നിരവധി പേര്‍ ഉന്നയിച്ചു.

ഈ വാര്‍ത്ത കൂടി വായിക്കൂ 

പ്രണയം തുടര്‍ന്നു; വീട്ടുകാര്‍ ഉറപ്പിച്ച കല്യാണത്തിന് തയ്യാറായില്ല; അച്ഛനും സഹോദരങ്ങളും ചേര്‍ന്ന് 22 കാരിയെ കഴുത്ത് ഞെരിച്ച് കൊലപ്പെടുത്തി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ