ഭോപ്പാല്‍: മധ്യപ്രദേശില്‍ വെള്ളച്ചാട്ടത്തിനിരികിലുള്ള കുളത്തിലേക്ക് കാര്‍ മറിഞ്ഞു. കാറിലുണ്ടായിരുന്നു അച്ഛനേയും മകളേയും രക്ഷപ്പെടുത്തി. ഇന്‍ഡോറിലാണ് അപകടം. പാറക്കെട്ടിനകത്തുള്ള കുളത്തിലേക്കാണ് കാര്‍ പതിച്ചത്.

കാര്‍ നിയന്ത്രണം വിട്ടു പാറയുടെ മുകളിലേക്ക് തല കുത്തനെ മറിഞ്ഞാണ് കുളത്തിലേക്ക് വീണത്. മറിയുന്നതിനിടെ കാറിൽ നിന്നു ഒരാൾ വെള്ളത്തിലേക്ക് തെറിച്ചു വീണു. ഇതിന്റെ വീഡിയോ പുറത്തു വന്നു. 

കുളത്തിനു സമീപത്ത് ധാരാളം വിനോദ സഞ്ചാരികളുണ്ടായിരുന്നു. അവര്‍ നോക്കി നില്‍ക്കെയാണ് അപകടം. വിനോദ സഞ്ചാരികളായി എത്തിയവരാണ് കാറിലുണ്ടായിരുന്ന അച്ഛനേയും മകളേയും രക്ഷപ്പെടുത്തിയതെന്നു റിപ്പോര്‍ട്ടുകള്‍ പറയുന്നു.

ഈ വാര്‍ത്ത കൂടി വായിക്കൂ 

ഉദ്ധവ് താക്കറെയുടെ വീട്ടിൽ 'അപ്രതീക്ഷിത അതിഥി'; നാലടി നീളമുള്ള മൂർഖൻ പാമ്പ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ