ചെന്നൈ: തമിഴ്‌നാട് വിരുതനഗറിലെ ശിവകാശിയില്‍ പടക്ക നിര്‍മ്മാണശാലയിലുണ്ടായ സ്‌ഫോടനത്തില്‍ രണ്ട് തൊഴിലാളികള്‍ മരിച്ചു. മുരുകേശ്വരി, ബാനു എന്നീ സ്ത്രീകളാണ് മരിച്ചത്. ഷണ്മുഖം എന്നയാളുടെ ഉടമസ്ഥതയിലുള്ള മാന്‍ഗുണ്ഡപട്ടിയിലെ ഫാക്ടറിയില്‍ മത്താപ്പ് നിര്‍മ്മിക്കുന്നതിനിടയാണ് സ്‌ഫോടനം ഉണ്ടായത്. 

അഗ്‌നി രക്ഷ ഉദ്യോഗസ്ഥരെത്തി മണിക്കൂറുകള്‍ നീണ്ട പരിശ്രമത്തിനൊടുവിലാണ് തീ അണച്ചത്. പരുക്കേറ്റവരെ വിരുതനഗര്‍ സര്‍ക്കാര്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവത്തില്‍ കേസ് എടുത്തതായും അന്വേഷണം ആരംഭിച്ചതായും പൊലീസ് പറഞ്ഞു. 

ഇതേ മേഖലയില്‍ ഇന്നലെ തീപ്പെട്ടി നിര്‍മ്മാണശാലയിലുണ്ടായ തീപിടുത്തത്തില്‍ ലക്ഷങ്ങളുടെ നാശനഷ്ടം ഉണ്ടായിരുന്നു.

ഈ വാര്‍ത്ത കൂടി വായിക്കൂ 

'നിങ്ങള്‍ക്ക് എന്തും വിളിക്കാം, ഞങ്ങള്‍ ഇന്ത്യയാണ്'; സ്ത്രീകളുടെയും കുട്ടികളുടെയും കണ്ണീരൊപ്പും; മോദിക്ക് രാഹുലിന്റെ മറുപടി

 സമകാലിക മലയാളം ഇപ്പോള്‍ വാട്സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ