മുംബൈ: മഹാരാഷ്ട്രയില്‍ ഫ്‌ലാറ്റില്‍ വാഷിങ് മെഷീന്‍ നന്നാക്കുന്നതിനിടെ പൊട്ടിത്തെറി. സംഭവത്തില്‍ ആര്‍ക്കും പരിക്ക് പറ്റിയില്ലെന്ന് പൊലീസ് അറിയിച്ചു.

പുനെ നഗരത്തില്‍ ശനിയാഴ്ച വൈകീട്ട് നാലുമണിയോടെയാണ് സംഭവം. ഇലക്ട്രീഷന്റെ ഫ്‌ലാറ്റിലാണ് പൊട്ടിത്തെറി ഉണ്ടായത്. വാഷിങ് മെഷീന്‍ നന്നാക്കുന്നതിനിടെ പൊട്ടിത്തെറി ഉണ്ടാവുകയായിരുന്നുവെന്ന് പൊലീസ് പറയുന്നു.

നന്നാക്കുന്നതിനിടെ വെള്ളം കുടിക്കാന്‍ പോയത് കൊണ്ട് ഇലക്ട്രീഷന്‍ കഷ്ടിച്ച് രക്ഷപ്പെടുകയായിരുന്നു.ഫ്‌ലാറ്റിലെ ആര്‍ക്കും പരിക്ക് പറ്റിയിട്ടില്ലെന്ന് പൊലീസ് പറയുന്നു. എങ്കിലും സംഭവത്തെ കുറിച്ച് കൂടുതല്‍ വിവരങ്ങള്‍ ശേഖരിച്ചു വരികയാണ്. സംശയാസ്പദമായ നിലയില്‍ ഒന്നും തന്നെ ഇതുവരെ കണ്ടെത്തിയിട്ടില്ലെന്നും പൊലീസ് പറയുന്നു.

ഈ വാര്‍ത്ത കൂടി വായിക്കാം 

കൊമ്പിന്റെ നീളത്തില്‍ ഏഷ്യയിലെ നമ്പര്‍ വണ്‍; ആനപ്രേമികള്‍ക്ക് നൊമ്പരമായി ഭോഗേശ്വര ചരിഞ്ഞു- വീഡിയോ  

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ