മധുര: സിപിഎം പാര്‍ട്ടി കോണ്‍ഗ്രസില്‍ പ്രതിനിധിയായി പിഞ്ചു കുഞ്ഞുമായി വനിതാ നേതാവ്. ഡല്‍ഹിയില്‍ നിന്നുള്ള പ്രതിനിധിയായ അഞ്ജു മെയ്‌നിയാണ് രണ്ടര വയസ്സുള്ള കുഞ്ഞുമായി പാര്‍ട്ടി കോണ്‍ഗ്രസില്‍ പങ്കെടുക്കുന്നത്.

അഞ്ചു ദിവസം നീണ്ടു നില്‍ക്കുന്ന പാര്‍ട്ടി കോണ്‍ഗ്രസിന് മുതിര്‍ന്ന നേതാവ് ബിമന്‍ ബസു പതാക ഉയര്‍ത്തിയതോടെയാണ് തുടക്കമായത്. പ്രതിനിധി സമ്മേളനം പൊളിറ്റ് ബ്യൂറോ കോ-ഓര്‍ഡിനേറ്റര്‍ പ്രകാശ് കാരാട്ട് ഉദ്ഘാടനം ചെയ്തു. ത്രിപുര മുന്‍ മുഖ്യമന്ത്രിയും മുതിര്‍ന്ന നേതാവുമായ മണിക് സര്‍ക്കാര്‍ അധ്യക്ഷനായിരുന്നു.

CPM Party Congress: പാര്‍ട്ടി കോണ്‍ഗ്രസിന് ചെങ്കൊടി ഉയര്‍ന്നു; 'അധികാര കേന്ദ്രങ്ങളുമായും സമ്പന്നരുമായും അടുപ്പം, പാര്‍ലമെന്ററി സ്ഥാനങ്ങളോട് താല്‍പ്പര്യം കൂടുന്നു'; അവലോകന രേഖയില്‍ വിമര്‍ശനം

80 നിരീക്ഷകര്‍ അടക്കം എണ്ണൂറിലധികം പ്രതിനിധികളാണ് പാര്‍ട്ടി കോണ്‍ഗ്രസില്‍ പങ്കെടുക്കുന്നത്. കേരളത്തില്‍ നിന്നും 175 പ്രതിനിധികളാണുള്ളത്. അഞ്ച് ദിവസം നീളുന്ന പാര്‍ട്ടി സമ്മേളനം ഈ മാസം ആറിന് സമാപിക്കും. പാർട്ടി കോൺ​ഗ്രസിനോട് അനുബന്ധിച്ച് കേരള, തമിഴ്‌നാട്‌ മുഖ്യമന്ത്രിമാർ പങ്കെടുക്കുന്ന സെമിനാർ ഉൾപ്പെടെ ഏപ്രിൽ രണ്ടുമുതൽ അഞ്ചുവരെ വൈകിട്ട് പ്രഭാഷണങ്ങളും സാംസ്കാരിക പരിപാടികളും നടക്കും.