ഏറ്റവും അപകടകാരിയായ മൃഗമായാണ് കടുവയെ കാണുന്നത്. കടുവയെ കണ്ടാല്‍ തന്നെ പകുതി ജീവന്‍ പോകുമെന്ന് തമാശയ്ക്ക് പറയാറുണ്ട്. എന്നാല്‍ മരത്തിന് മുകളില്‍ ഇരയെ പിടിക്കുന്ന കാര്യത്തില്‍ കടുവയ്ക്ക് കാര്യങ്ങള്‍ അത്രയ്ക്ക് എളുപ്പമല്ല എന്ന് വ്യക്തമാക്കുന്ന വീഡിയോയാണ് ഇപ്പോള്‍ സോഷ്യല്‍മീഡിയയില്‍ വൈറലാകുന്നത്.

ഒരു കുട്ടി തേവാങ്കിന്റെ മുന്നിലാണ് കടുവയ്ക്ക് അതിപതറിയത്. മരത്തിന്റെ മുകളിലാണ് രംഗം. കുട്ടി തേവാങ്കും കടുവയും നേര്‍ക്കുനേര്‍ നില്‍ക്കുന്നതാണ് വീഡിയോയുടെ തുടക്കം. കുട്ടി തേവാങ്കിനെ ആക്രമിക്കാനുള്ള അവസരം നോക്കിനില്‍ക്കുകയാണ് കടുവ. കടുവയുടെ ആക്രമണത്തില്‍ നിന്ന് രക്ഷപ്പെടാനുള്ള ശ്രമത്തിലാണ് കുട്ടി തേവാങ്ക്. പ്രവീണ്‍ അംഗുസാമി ഐഎഫ്എസ് ആണ് വീഡിയോ ട്വിറ്ററില്‍ പങ്കുവെച്ചത്.

കടുവയുടെ നീക്കം മനസിലാക്കി മരത്തിന്റെ ചില്ലയില്‍ തൂങ്ങിക്കിടന്ന കുട്ടി തേവാങ്ക്, മറ്റൊരു കൊമ്പിലേക്ക് ചാടി. അപ്രതീക്ഷിതമായ നീക്കത്തില്‍ അടിപതറിയ കടുവ നിയന്ത്രണം വിട്ട് മരത്തിന്റെ മുകളില്‍ നിന്ന് താഴേയ്ക്ക് വീഴുന്നതാണ് വീഡിയോയിലുള്ളത്.