ന്യൂഡല്ഹി: ഉത്തര് പ്രദേശ്, ബംഗാള് എന്നിവിടങ്ങളില് നിന്ന് ഭീകരര് പിടിയില്. രണ്ട് അല്ഖ്വയ്ദ ഭീകരരാണ് ഉത്തര് പ്രദേശില് പിടിയിലായത്. ജമാത്ത് ഉള് മുജാഹീദ്ദീന് എന്ന തീവ്രവാദസംഘടനയില് അംഗങ്ങളായ മൂന്ന് പേരാണ് കൊല്ക്കത്തയില് പിടിയിലായത്.
സൗത്ത് കൊല്ക്കത്തയില് നിന്നാണ് ഇവരെ പിടികൂടിയത്. നഗരത്തിന്റെ വിവിധ ഭാഗങ്ങളില് സ്ഫോടനത്തിന് പദ്ധതിയിട്ടവരാണ് ഇവരെന്ന് കൊല്ക്കത്ത പൊലീസ് പറയുന്നു. ഇവരില് നിന്നും ആയുധങ്ങളും പാസ്പോര്ട്ടും പിടിച്ചെടുത്തിട്ടുണ്ട്. തീവ്രവാദവിരുദ്ധ സേനയും ബോംബ് സ്ക്വാഡും ചേര്ന്ന് നടത്തിയ ഓപ്പറേഷനിലാണ് ഉത്തര്പ്രദേശില് രണ്ട് തീവ്രവാദികള് പിടിയിലായത്. ലക്നൗ നഗരത്തിന് സമീപത്ത് നിന്നാണ് ഇവര് പിടിയിലായത്. ഇതേത്തുടര്ന്ന് രാജ്യത്ത് സുരക്ഷാ സേനകള് ജാഗ്രതാ നിര്ദേശം നല്കി.
അതേസമം, തീവ്രവാദ പ്രവര്ത്തനങ്ങള്ക്ക് സാമ്പത്തിക സഹായം നല്കിയതുമായി ബന്ധപ്പെട്ട് ജമ്മു കശ്മീരില് വിവിധയിടങ്ങളില് ഇന്ന് എന്ഐഎ റെയ്ഡ് നടത്തി. അനന്തനാഗില് നിന്ന് അഞ്ച് പേരെയും ശ്രീനഗറില് നിന്ന് ഒരാളെയും എന്ഐഎ അറസ്റ്റ് ചെയ്തതായും റിപ്പോര്ട്ടുകളുണ്ട്. ഇക്കാര്യത്തില് ഔദ്യോഗിക സ്ഥിരീകരണം വന്നിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates