അഹമ്മദാബാദ്: ജീവനോടെ കുഴിച്ചിട്ട നവജാത ശിശുവിനെ കര്‍ഷകന്‍ രക്ഷപ്പെടുത്തി. ഗുജറാത്തിലാണ് സംഭവം. കുഴിയില്‍ നിന്ന് കുഞ്ഞിന്റെ ഒരു കൈ പുറത്തേക്ക് കിടന്ന നിലയിലായിരുന്നു. 

പിന്നാലെ കരച്ചിലും കേട്ടതോടെയാണ് കര്‍ഷകന്‍ ഉടനെത്തി കുഴിയില്‍ നിന്ന് കുട്ടിയെ ജീവനോടെ പുറത്തെടുത്തത്. ആശുപത്രിയില്‍ പ്രവേശിപ്പിച്ച കുഞ്ഞ് ഡോക്ടര്‍മാരുടെ നിരീക്ഷണത്തിലാണ്. 

ഗുജറാത്തിലെ സബര്‍കാന്ത ജില്ലയിലുള്ള ഗാംഭോയ് ഗ്രാമത്തിലാണ് കുഴിച്ചിട്ട ശേഷം നവജാത ശിശുവിനെ ജീവനോടെ രക്ഷപ്പെടുത്തിയത്. പിന്നാലെ ആംബുലന്‍സ് എത്തിച്ചാണ് കുഞ്ഞിനെ ആശുപത്രിയിലേക്ക് മാറ്റിയത്. 

കുഞ്ഞിന്റെ മാതാപിതാക്കള്‍ നിലവില്‍ ഒളിവിലാണ്. ഇവര്‍ക്കായുള്ള തിരച്ചില്‍ പൊലീസ് ഊര്‍ജിതമാക്കി. മാതാപിതാക്കള്‍ക്കെതിരെ കൊലപാതക ശ്രമത്തിന് കേസ് രജിസ്റ്റര്‍ ചെയ്ത് പൊലീസ് എഫ്‌ഐആര്‍ ഇട്ടു.

ഈ വാര്‍ത്ത കൂടി വായിക്കൂ

കോണ്‍ഗ്രസ് പ്രതിഷേധം; ഡല്‍ഹിയില്‍ നിരോധനാജ്ഞ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ