ഖുശിനഗര്‍: വിഷം കലര്‍ന്ന മിഠായി കഴിച്ച് നാലു കുട്ടികള്‍ മരിച്ചു. ഉത്തര്‍പ്രദേശില്‍ ഖുശിനഗറിലാണ് സംഭവം. രണ്ടു പെണ്‍കുട്ടികളും രണ്ട് ആണ്‍കുട്ടികളുമാണ് മരിച്ചതെന്ന് പൊലീസ് പറഞ്ഞു.

മിഠായികള്‍ കുട്ടികളുടെ വീടിനു മുന്നിലേക്ക് ആരോ എറിയുകയായിരുന്നു. ഇതെടുത്തു കഴിച്ച കുട്ടികളാണ് മരിച്ചത്. സംഭവത്തെക്കുറിച്ച് അന്വേഷണം തുടങ്ങിയിട്ടുണ്ട്.

മരിച്ചവരില്‍ മൂന്നു പേര്‍ ഒരു കുടുംബത്തിലെ അംഗങ്ങളാണ്. കുട്ടികളുടെ കുടുംബത്തിന് സഹായമെത്തിക്കാന്‍ മുഖ്യമന്ത്രി യോഗി ആദിത്യനാഥ് നിര്‍ദേശിച്ചു.

അതേമസമയം അറിയിച്ചിട്ടും ആംബുലന്‍സ് വരാന്‍ വൈകിയെന്നും ഇതു മരണകാരണമായിട്ടുണ്ടാവാമെന്നും ബന്ധുക്കള്‍ ആരോപിച്ചു.