കൊൽക്കത്ത: ബം​ഗ്ലാദേശിൽ നിന്നും ഇന്ത്യയിലേക്ക് സ്വർണം കടത്താൻ ശ്രമിച്ച യുവതി അറസ്റ്റിൽ. ബം​ഗ്ലാദേശിലെ ചിറ്റഗോങ്ങിൽ നിന്നുള്ള മണിക ദർ (34) ആണ് വ്യാഴാഴ്ച ബിഎസ്എഫിന്റെ പരിശോധനയിൽ കുടുങ്ങിയത്.

പരിശോധനയിൽ രണ്ട് കിലോ സ്വർണം ഇവരുടെ പക്കൽ നിന്നും കണ്ടെടുത്തു. ഒന്നര കോടി രൂപ വില വരുന്ന സ്വർണം 27 കഷ്ണങ്ങളാക്കി തുണിയിൽ പൊതിഞ്ഞ് അരയിൽ ഒളിപ്പിച്ച നിലയിലായിരുന്നു.

ചോദ്യം ചെയ്യലിൽ പശ്ചിമ ബം​ഗാളിലെ ബറാസാത്തിലേക്കാണ് സ്വർണം എത്തിക്കാൻ നിയോ​ഗിച്ചിരുന്നതെന്ന് യുവതി പൊലീസിന് മൊഴി നൽകി. ബറാസാത്തിലെത്തിക്കുന്നതിന് തനിക്ക് 2000 രൂപയാണ് പ്രതിഫലം പറഞ്ഞിരുന്നതെന്നും യുവതി പൊലീസിനോട് പറഞ്ഞു.പരിശോധനയ്‌ക്ക് ശേഷം യുവതിയെ കസ്റ്റംസ് വിഭാ​ഗത്തിന് കൈമാറി.

ഈ വാര്‍ത്ത കൂടി വായിക്കൂ 

''രാത്രി പന്ത്രണ്ടു മണി വരെ ഞാന്‍ ചേംബറില്‍ കാത്തിരിക്കും; അതിനു മുമ്പ് രേഖകള്‍ എത്തിക്കണം''; അസാധാരണ ഉത്തരവ്, സ്റ്റേ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ