ന്യൂഡല്‍ഹി: ഭക്ഷണത്തിന് പ്രധാനമന്ത്രി നരേന്ദ്രമോദി സ്വന്തം കൈയില്‍ നിന്നാണ് പണം ചെലവഴിക്കുന്നതെന്ന് വിവരാവകാശരേഖ. മോദിയുടെ ഭക്ഷണത്തിനായി സര്‍ക്കാര്‍ ഖജനാവില്‍ നിന്ന് ഒരു രൂപ പോലും ചെലവഴിക്കുന്നില്ലെന്നും വിവരാവകാശനിയമപ്രകാരമുള്ള ചോദ്യത്തിന് മറുപടിയായി പ്രധാനമന്ത്രിയുടെ ഓഫീസ് അറിയിച്ചു.

പ്രധാനമന്ത്രിയുടെ ഓഫീസ് സെക്രട്ടറിയായ ബിനോദ് ബിഹാരി സിങ്ങാണ് വിവരാവകാശ നിയമപ്രകാരമുള്ള ചോദ്യത്തിന് മറുപടി നല്‍കിയത്. മോദിയുടെ ഭക്ഷണത്തിനായി ഒരു രൂപ പോലും സര്‍ക്കാര്‍ ഖജനാവില്‍ നിന്ന് ചെലവഴിക്കുന്നില്ല എന്നതാണ് മറുപടിയിലെ ഉള്ളടക്കം.

പ്രധാനമന്ത്രിയുടെ വസതി സംരക്ഷിക്കുന്നത് സെന്‍ട്രല്‍ പിഡബ്ല്യുഡിയാണ്. പ്രധാനമന്ത്രിയുടെ വാഹനങ്ങളുടെ സംരക്ഷണ ചുമതല എസ്പിജിക്കാണെന്നും വിവരാവകാശരേഖയില്‍ പറയുന്നു.

ഈ വാര്‍ത്ത കൂടി വായിക്കൂ 

ഓരോ ദിവസവും 82 കൊലപാതകങ്ങള്‍; രാജ്യത്ത് കഴിഞ്ഞവര്‍ഷം ജീവന്‍ നഷ്ടമായത് 30,132പേര്‍ക്ക്, ഞെട്ടിക്കുന്ന കണക്ക്

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ