ന്യൂഡൽഹി: കേന്ദ്ര ആഭ്യന്തരമന്ത്രി അമിത് ഷാ കോവിഡ് 19 വാക്സിൻ സ്വീകരിച്ചു. മേദാന്ത ആശുപത്രയിൽ  നിന്നാണ് ഷാ ആദ്യ ഡോസ് വാക്സിൻ സ്വീകരിച്ചതെന്ന് ആഭ്യന്തരമന്ത്രാലയം വ്യക്തമാക്കി. 

കഴിഞ്ഞവർഷം ഓ​ഗസ്റ്റിൽ56കാരനായ അമിത് ഷായ്ക്ക് കോവിഡ് സ്ഥിരീകരിച്ചിരുന്നു. അന്ന് മേദാന്ത ആശുപത്രിയിലാണ് ചികിത്സ തേടിയത്. പിന്നീട് കോവിഡാനന്തര ചികിത്സയ്ക്കായി ഡൽയിലെ എയിംസിൽ പ്രവേശിപ്പിച്ചിരുന്നു.

ഇന്ന്​ മുതൽ സർക്കാർ ആശുപത്രികൾ മുഖേന സൗജന്യ വാക്​സിൻ വിതരണം ആരംഭിച്ചു.60 വയസിന്​ മുകളിൽ പ്രായമായവർക്ക്​​ പുറമേ മറ്റ്​ രോഗങ്ങളുള്ള 45 വയസിന്​ മുകളിൽ പ്രായമുള്ളവർക്കുമായിരിക്കും പ്രഥമ പരിഗണന. ഈ ഘട്ടത്തിൽ 27 കോടിയാളുകളിലേക്ക്​ വാക്​സിൻ എത്തിക്കാനാകുമെന്നാണ്​ സർക്കാർ കണക്ക്​കൂട്ടുന്നത്​. ആദ്യ ഘട്ടത്തിൽ ആരോഗ്യപ്രവർത്തകർ ഉൾപ്പടെയുള്ള കോവിഡ്​ പോരാളികൾക്കാണ്​ വാക്​സിൻ നൽകിയിരുന്നത്​​. നിലവിൽ രാജ്യത്ത്​ ഒന്നേകാൽ കോടിയാളുകൾ വാക്​സിൻ സ്വീകരിച്ചിട്ടുണ്ട്.