കൊച്ചി: ഗിനിയന് നാവികസേന കസ്റ്റഡിയിലെടുത്ത കപ്പലിലെ ജീവനക്കാര്ക്ക് ഭക്ഷണമെത്തിച്ച് ഇന്ത്യന് എംബസി. തടവിലുള്ളവര്ക്ക് ആവശ്യമായ ഭക്ഷണവും കുടിവെള്ളവും എത്തിച്ചു. മലയാളികള് ഉള്പ്പെടെയുള്ള നാവികര് ഇന്ത്യന് സര്ക്കാരിന് നന്ദിപറഞ്ഞു. മൂന്ന് മലയാളികള് ഉള്പ്പെടെ 16 ഇന്ത്യക്കാരും 10 വിദേശികളുമാണ് കസ്റ്റഡിയിലുള്ളത്.
അതിനിടെ, ഗിനിയന് നാവികസേന കസ്റ്റഡിയിലെടുത്ത നാവികരുടെ മോചനത്തിന് ഇടപെടല് ആവശ്യപ്പെട്ട് മുഖ്യമന്ത്രി പിണറായി വിജയന് പ്രധാനമന്ത്രിക്ക് കത്തയച്ചു. ഫസ്റ്റ് ഓഫിസര് മലയാളിയായ സനു ജോസിനെ ഇന്നലെ അറസ്റ്റ് ചെയ്തു കപ്പലില്നിന്നു മാറ്റിയെങ്കിലും തിരികെ എത്തിച്ചു.
കൊല്ലം സ്വദേശി വിജിത് വി നായര്, കൊച്ചി സ്വദേശി മില്ട്ടണ് അടക്കമുള്ളവരാണ് ഗിനിയന് സേനയുടെ തടവിലുള്ളത്. ജീവനക്കാരെ നൈജീരിയയ്ക്ക് കൈമാറും എന്നു കഴിഞ്ഞ ദിവസം പറഞ്ഞിരുന്നെങ്കിലും അതുണ്ടായില്ല. കേന്ദ്ര സര്ക്കാരിന്റെ ഇടപെടല് ഉണ്ടായതോടെ കഴിഞ്ഞ ദിവസം അറസ്റ്റ് ചെയ്തു കൊണ്ടുപോയ തന്നെ തിരികെ കപ്പലില് വിട്ടുവെന്ന് മലയാളിയായ ഫസ്റ്റ് ഓഫിസര് സനു ജോസ് അറിയിച്ചു. ഹോട്ടലിലേക്കെന്നും പറഞ്ഞാണ് തടവിലുള്ള 15 പേരെ കപ്പലില്നിന്നു കൊണ്ടുപോയത്. മോചനം വൈകുന്നതോടെ ആശങ്കയിലാണ് ജീവനക്കാരുടെ കുടുംബങ്ങള്. ജീവനക്കാരുടെ മോചനത്തിനായി രാജ്യാന്തര തലത്തില് ശ്രമങ്ങള് തുടരുകയാണ്. ഹീറോയിക്ക് ഇഡുന് എന്ന കപ്പലാണ് ഗിനിയന് നാവികസേന തടഞ്ഞുവച്ചിരിക്കുന്നത്.
ഈ വാര്ത്ത കൂടി വായിക്കൂ 'ഇത് യുദ്ധത്തിനുള്ള സമയമല്ല; ചര്ച്ച ചെയ്തു തീര്ക്കാം'; റഷ്യയോട് ഇന്ത്യ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates