ന്യൂഡല്ഹി: രണ്ടുമാസം മുന്പ് വിവാഹിതനായ പ്രശസ്ത യൂട്യൂബറും മോട്ടിവേഷന് സ്പീക്കറുമായ വിവേക് ബിന്ദ്രയ്ക്കെതിരെ ഭാര്യയെ മര്ദിച്ചതിന് കേസ്. ഇയാള്ക്കെതിരെ ഭാര്യാ സഹോദരനാണ് നോയിഡ സെക്ടര് 124ലെ പൊലീസ് സ്റ്റേഷനില് പരാതി നല്കിയത്. ബഡാ ബിസിനസ് പ്രൈവറ്റ് ലിമിറ്റഡിന്റെ സിഇഒ ആയ ബിന്ദ്രയെ യൂട്യൂബിലും ഇന്സ്റ്റാഗ്രാമിലുമായി ലക്ഷക്കണക്കിനാളുകളാണ് ഫോളോ ചെയ്യുന്നത്.
കഴിഞ്ഞ ഡിസംബര് 6നായിരുന്നു ബിന്ദ്രയും യാനികയും വിവാഹിതരായത്. വിവാഹം കഴിഞ്ഞ് ആഴ്ചകള്ക്കുളളില് തന്നെ യാനിക ഗാര്ഹിക പീഡനത്തിന് വിധേയയായതെന്ന് പരാതിയില് പറയുന്നു. ദമ്പതികള് താമസിക്കുന്ന നോയിഡയിലെ സെക്ടര് 94ലെ സൂപ്പര്നോവ വെസ്റ്റ് റസിഡന്സിയില് വച്ചായിരുന്നു ബിന്ദ്രയുടെ ആക്രമണമെന്നും യാനികയുടെ സഹോദരന് വൈഭവ് ക്വാത്ര നല്കിയ പരാതിയില് പറയുന്നു.
ബിന്ദ്ര യാനികയെ മുറിയില് പൂട്ടിയിടുകയും മര്ദിക്കുകയും അസഭ്യം പറഞ്ഞെന്നും പരാതിക്കാരന് ആരോപിച്ചു. ചെവിക്ക് അടിയേറ്റതിനെ തുടര്ന്ന് യാനികക്ക് കേള്ക്കാന് കഴിയുന്നില്ലെന്നും ഡല്ഹിയിലെ ആശുപത്രിയില് ചികിത്സയിലാണെന്നും വൈഭവ് പറഞ്ഞു.
ബിന്ദ്രക്കെതിരെ മറ്റൊരു ജനപ്രിയ മോട്ടിവേഷണല് സ്പീക്കറും യുട്യൂബറുമായ സന്ദീപ് മഹേശ്വരി അഴിമതി ആരോപണം ഉന്നയിച്ചിരുന്നു. മഹേശ്വരി തന്റെ യുട്യൂബ് ചാനലിലൂടെ ബിന്ദ്രയുടെ കമ്പനി വഞ്ചിച്ചുവെന്ന് ആരോപിക്കപ്പെടുന്ന വിദ്യാര്ഥികളുടെ അനുഭവങ്ങള് പങ്കുവച്ചിരുന്നു. എന്നാല് ആരോപണങ്ങള് ബിന്ദ്ര നിഷേധിച്ചിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates