ബംഗളൂരു: സീറ്റ് ലഭിക്കാത്തതിനെ തുടര്ന്ന് അവസാനനിമിഷം ബിജെപി വിട്ട് കോണ്ഗ്രസിലെത്തിയ മുന്മുഖ്യമന്ത്രി ജഗദീഷ് ഷെട്ടാറിന് വന് പരാജയം. ഹുബ്ബള്ളി- ധാര്വാഡ് സെന്ട്രല് മണ്ഡലത്തില് കോണ്ഗ്രസ് സ്ഥാനാര്ഥിയായി മത്സരിച്ച ഷെട്ടാര് ബിജെപി സ്ഥാനാര്ഥിയായ മഹേഷ് തെങ്കിനക്കൈയോട് ദയനീയമായി പരാജയപ്പെട്ടു.
മൂന്ന് തവണ ഹുബ്ബള്ളി-ധാര്വാഡ് സെന്ട്രല് മണ്ഡലത്തില് നിന്ന് വിജയിച്ച ഷെട്ടാറിന് ഇത്തവണ തോല്വി അപ്രതീക്ഷിതമായി. ഹുബ്ബള്ളി-ധാര്വാഡ് സെന്ട്രല് മണ്ഡലത്തില് ഇത്തവണ ബിജെപി തന്നെ പരിഗണിക്കാതിരുന്നതാണ് ഷെട്ടാറിനെ ചൊടിപ്പിച്ചത്. സീറ്റ് നിഷേധിച്ചതോടെ പാര്ട്ടിയുമായി ഇടഞ്ഞ മുതിര്ന്ന നേതാവ് വൈകാതെ കോണ്ഗ്രസ് അംഗത്വം സ്വീകരിച്ചു. ലിംഗായത്ത് വിഭാഗത്തിലെ പ്രമുഖ നേതാവിനെ ഇരുംകൈയും നീട്ടിയാണ് കോണ്ഗ്രസ് നേതൃത്വം വരവേറ്റത്. ഹുബ്ബള്ളി- ധാര്വാഡ് സെന്ട്രലില് കോണ്ഗ്രസ് സ്ഥാനാര്ഥിയായി ഷെട്ടാറിനെ പ്രഖ്യാപിക്കുകയും ചെയ്തു.
പാര്ട്ടിവിട്ട് കോണ്ഗ്രസ് സ്ഥാനാര്ഥിയായ ഷെട്ടാറിനെതിരേ വന്പ്രചാരണമാണ് ബിജെപി നടത്തിയത്. ജഗദീഷ് ഷെട്ടാര് വിജയിക്കില്ലെന്ന് താന് ചോരകൊണ്ട് എഴുതിവെക്കാമെന്ന് മുന് മുഖ്യമന്ത്രി യെഡിയൂരപ്പ പ്രചാരണത്തിനിടെ അഭിപ്രായപ്പെട്ടിരുന്നു.
രാമനഗരിയില് മുന്മുഖ്യമന്ത്രിയും ജെഡിഎസ് നേതാവുമായ എച്ച് ഡി കുമാരസ്വാമിയുടെ മകന് നിഖില് കുമാരസ്വാമി പരാജയപ്പെട്ടു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates