മുംബൈ: മഹാരാഷ്ട്ര, തമിഴ്‌നാട് സംസ്ഥാനങ്ങളില്‍  പ്രതിദിന കോവിഡ് രോഗികളുടെ എണ്ണത്തില്‍ വലിയ കുറവ് തുടരുന്നു. മഹാരാഷ്ട്രയില്‍ ഇന്ന് 2,535 പേര്‍ക്കാണ് കോവിഡ് സ്ഥിരീകരിച്ചത്. തമിഴ്‌നാട്ടില്‍ 1725 പേര്‍ക്കാണ് ഇന്ന് രോഗം സ്ഥിരീകരിച്ചത്. 

മഹാരാഷ്ട്രയില്‍ ഇന്ന് 60 പേര്‍ മരിച്ചു. ഇതോടെ ആകെ മരണം 46,000 കടന്നു. 46,034 ആണ് സംസ്ഥാനത്തെ ആകെ മരണം. ഇന്ന് 3,001 പേര്‍ക്കാണ് രോഗ മുക്തി. സംസ്ഥാനത്ത് ഇതുവരെയുള്ള രോഗ മുക്തരുടെ എണ്ണം 16,18,380 ആയി. 84,386 ആക്ടീവ് കേസുകള്‍. 

തമിഴ്‌നാട്ടില്‍ ഇന്ന് 17 പേര്‍ മരിച്ചു. സംസ്ഥാനത്തെ ആകെ രോഗികളുടെ എണ്ണം 7,59,916 ആയി. 7,32,656 പേര്‍ക്ക് രോഗ മുക്തി. 11,495 പേരാണ് ഇതുവരെയായി മരിച്ചത്. ഇന്ന് 2,384 പേര്‍ക്കാണ് രോഗ മുക്തി. സംസ്ഥാനത്തെ ആക്ടീവ് കേസുകളുടെ എണ്ണം 15,765.