ന്യൂഡൽഹി : മോദി പരാമർശവുമായി ബന്ധപ്പെട്ട അപകീർത്തിക്കേസിൽ നിയമപോരാട്ടം തുടരുമെന്ന് പരാതിക്കാരനായ ബിജെപി എംഎൽഎ പൂർണേഷ് മോദി. കേസിൽ രാഹുൽ​ഗാന്ധി കുറ്റക്കാരനാണെന്ന സൂറത്ത് കോടതി വിധി സുപ്രീംകോടതി സ്റ്റേ ചെയ്തതിന് പിന്നാലെയാണ് പൂർണേഷ് മോദിയുടെ പ്രതികരണം. 

‘‘സുപ്രീം കോടതി ഇന്ന് രാഹുൽ ഗാന്ധിയുടെ ശിക്ഷ സ്റ്റേ ചെയ്തു. കോടതി വിധിയെ സ്വാഗതം ചെയ്യുന്നു. എന്നാൽ കോടതിയിൽ  നിയമപോരാട്ടം തുടരും’’– ​ഗുജറാത്തിലെ മുൻമന്ത്രിയും ബിജെപി എംഎൽഎയുമായ പൂർണേഷ് മോദി പറഞ്ഞു.

എല്ലാ കള്ളന്മാര്‍ക്കും മോദി എന്ന പേരു വന്നതെങ്ങനെ എന്ന പരാമര്‍ശത്തിന്റെ പേരിലാണ്, രാഹുല്‍​ഗാന്ധി കുറ്റക്കാരനാണെന്ന് സൂറത്ത് കോടതി വിധിച്ചത്. രണ്ടു വർഷം തടവുശിക്ഷ വിധിച്ചതോടെ രാഹുലിന്റെ ലോക്സഭാം​ഗത്വത്തിന് അയോ​ഗ്യത വന്നു. വിധി സ്റ്റേ ചെയ്ത സുപ്രീംകോടതി വിധിയോടെ വയനാട് ലോക്‌സഭാ മണ്ഡലത്തില്‍നിന്നുള്ള രാഹുല്‍ ഗാന്ധിയുടെ അംഗത്വത്തിനുള്ള അയോഗ്യത നീങ്ങും. 

ഈ വാര്‍ത്ത കൂടി വായിക്കൂ

രാഹുലിന്റെ അയോഗ്യത നീങ്ങും; അപകീര്‍ത്തി കേസ് വിധിക്കു സുപ്രീം കോടതി സ്‌റ്റേ

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ