ഭോപ്പാല്‍: ബന്ധുവായ യുവതിയുമായി കാണാന്‍ പറ്റാത്ത സാഹചര്യത്തില്‍ മകന്‍ കണ്ടതിനെ തുടര്‍ന്ന് സംഭവം പുറത്തറിയാതിരിക്കാന്‍ 45കാരന്‍ കൗമാരക്കാരനെകഴുത്ത് ഞെരിച്ച് കൊലപ്പെടുത്തിയ ശേഷം കൈവെട്ടിയെടുത്തു. മധ്യപ്രദേശിലെ ദേവാസ് ജില്ലയിലാണ് സംഭവം.
ബറോത്ത പൊലീസ് സ്‌റ്റേഷന്‍ പരിധിയിലെ ബംഗാര്‍ഡ ഗ്രാമത്തിലാണ് സംഭവം നടന്നത്, പ്രതിയെയും യുവതിയെയും അറസ്റ്റ് ചെയ്തതായി പൊലീസ് സൂപ്രണ്ട് ശിവദയാല്‍ സിങ്ങ് പറഞ്ഞു. പതിനഞ്ചുവയസുകാരന്റെ കൈള്‍ വെട്ടമാറ്റി നാന്നൂറ് അടി താഴ്ചയുളള കുഴല്‍ക്കിണറിയില്‍ ഇട്ടതായി പ്രതി മൊഴി നല്‍കിയെന്ന് പൊലീസ് പറഞ്ഞു. കൈകള്‍ വെട്ടിയെടുത്ത ശേഷം മൃതദേഹം അടുത്ത കുറ്റിക്കാട്ടില്‍ തള്ളുകയായിരുന്നു.
അച്ഛനെയും അമ്മായിയെയും കാണാന്‍ പറ്റാത്ത സാഹചര്യത്തില്‍ കുട്ടി കാണുകയായിരുന്നു. യുവതിയുമായി അഞ്ച് വര്‍ഷമായി ഇയാള്‍ അവിഹിതബന്ധത്തിലായിരുന്നെന്ന് പൊലീസ് പറയുന്നു. കുട്ടിയുടെ മൃതദേഹം കണ്ടെത്തിയതിന് പിന്നാലെയാണ് അറ്റുപോയ കൈകള്‍ക്കായി പൊലീസ് അന്വേഷണം ആരംഭിച്ചത്.
പോസ്റ്റ്‌മോര്‍ട്ടത്തില്‍ കൗമരക്കാരനെ മരണം കഴുത്ത് ഞെരിച്ചാണെന്ന് കണ്ടെത്തി. തുടര്‍ന്ന് പൊലീസ് കേസ് എടുത്ത് അന്വേഷണം ആരംഭിച്ചു. മകനെ കാണാതായതമായി ബന്ധപ്പെട്ട് പിതാവിനെ മണിക്കൂറുകള്‍ ചോദ്യം ചെയ്തപ്പോഴാണ് പ്രതി കുറ്റം സമ്മതിച്ചത്. അറുത്തുമാറ്റിയ കൈകളും കൃത്യത്തിന് ഉപോഗിച്ച ആയുധങ്ങളും കയറും പൊലീസ് കണ്ടെടുത്തു.
അറുത്തുമാറ്റിയ കൈകളും കുറ്റകൃത്യത്തിന് ഉപയോഗിച്ച കയറും അരിവാളും പോലീസ് കണ്ടെടുത്തതായി അവര്‍ പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates