മുംബൈ: മഹാരാഷ്ട്രയില്‍ ഹൈവേ മുറിച്ചു കടക്കുന്നതിന് നടപ്പാലത്തിലൂടെ ഓട്ടോറിക്ഷ ഓടിച്ച് ഡ്രൈവര്‍. ഡ്രൈവറെ പിടികൂടുന്നതിനുള്ള ശ്രമം ആരംഭിച്ചതായി പൊലീസ് അറിയിച്ചു.

പാല്‍ഘര്‍ ജില്ലയില്‍ വിരാറിലാണ് സംഭവം. തിരക്കുള്ള മുംബൈ- അഹമ്മദാബാദ് ഹൈവേ മുറിച്ചു കടക്കുന്നതിനാണ് ഡ്രൈവര്‍ നടപ്പാലം തെരഞ്ഞെടുത്തത്. നടപ്പാലത്തിലൂടെ ഡ്രൈവര്‍ ഓട്ടോറിക്ഷ ഓടിച്ചു പോകുന്ന വീഡിയോ വ്യാപകമായാണ് പ്രചരിക്കുന്നത്.

സംഭവം വിവാദമായതിന് പിന്നാലെയാണ് പൊലീസ് നടപടി ആരംഭിച്ചത്. ഡ്രൈവറെ പിടികൂടുന്നതിനുള്ള തെരച്ചില്‍ ആരംഭിച്ചതായി പൊലീസ് അറിയിച്ചു. നടപ്പാലത്തിന് മുകളില്‍ എത്താന്‍ റാമ്പിനെയാണ് ഡ്രൈവര്‍ ആശ്രയിച്ചത്.

ഈ വാര്‍ത്ത കൂടി വായിക്കൂ

നാട്ടുകാര്‍ നോക്കിനില്‍ക്കെ നാലുനില കെട്ടിടം നിലംപതിച്ചു; വീഡിയോ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ