ചെന്നൈ: തമിഴ്‌നാട്ടില്‍ സാധാരണക്കാരുടെ അക്കൗണ്ടില്‍ വന്‍ തുക നിക്ഷേപിച്ച് സ്വകാര്യ ബാങ്ക് . തഞ്ചാവൂര്‍ സ്വദേശിയുടെ അക്കൗണ്ടില്‍ നിക്ഷേപിച്ചത് 756 കോടി രൂപ. ചെന്നൈ സ്വദേശിയുടെ അക്കൗണ്ടില്‍ 753 കോടിയും നിക്ഷേപിച്ചു. ഇരുവരുടെയും അക്കൗണ്ട് സ്വകാര്യ ബാങ്ക് മരവിപ്പിച്ചു.

തഞ്ചാവുര്‍ സ്വദേശി ഗണേഷ് എന്നയാളുടെ ബാങ്ക് അക്കൗണ്ടിലാണ് സ്വകാര്യ ബാങ്ക് 756 കോടി രൂപ നിക്ഷേപിച്ചത്. ഇത് ശ്രദ്ധയില്‍പ്പെട്ടതിന് പിന്നാലെ ഇയാള്‍ സ്വകാര്യ ബാങ്കില്‍ പോയി കാര്യങ്ങള്‍ അറിയിച്ചു. തുടര്‍ന്ന് അക്കൗണ്ടിന്റെ സ്‌ക്രീന്‍ ഷോട്ടും മറ്റ് രേഖകളും മൊബൈല്‍ നമ്പറുവം അധികൃതര്‍ വാങ്ങിവയ്ക്കുകയും തിരിച്ചയക്കുകയുമായിരന്നു. 

അതിന് പിന്നാലെയാണ് ചെന്നൈ സ്വദേശിയുടെ അക്കൗണ്ടില്‍ 753 കോടി രൂപ നിക്ഷേപിച്ചത്. തുടര്‍ന്ന് ബാങ്ക് ഇരുവരുടെ അക്കൗണ്ടുകള്‍ മരവിപ്പിച്ചു. അക്കൗണ്ട് മരവിച്ചതോടെ ബാങ്കുമായി ബന്ധപ്പെട്ട മറ്റ് നടപടികളൊന്നും ചെയ്യാനാവാതെ വന്നതോടെ ചെന്നൈ സ്വദേശി പൊലീസില്‍ പരാതി നല്‍കുകയായിരുന്നു. ആഴ്ചകള്‍ക്ക് മുന്‍പ് ടാക്‌സി ഡ്രൈവറുടെ അക്കൗണ്ടില്‍ ഒന്‍പതിനായിരം കോടി മറ്റൊരു ബാങ്ക് നിക്ഷേപിച്ചിരുന്നു.

ഈ വാർത്ത കൂടി വായിക്കൂ 

അരമണിക്കൂർ ലോക്കപ്പിൽ കിടത്തിയതിന് അരലക്ഷം നഷ്‌ടപരിഹാരം; പൊലീസുകാരുടെ ശമ്പളത്തിൽ നിന്നും ഈടാക്കണമെന്ന് ഹൈക്കോടതി

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ