ന്യൂഡല്‍ഹി: ഫാഷന് അതിരുകളില്ല. ഓരോ കാലഘട്ടത്തിനും അനുയോജ്യമായ ഫാഷന്‍ തെരഞ്ഞെടുക്കുന്നതില്‍ യുവജനങ്ങള്‍ക്ക് പ്രത്യേക വൈഭവം ഉണ്ട്. ഇപ്പോള്‍ ഡല്‍ഹി മെട്രോയില്‍ പാവാട ധരിച്ചെത്തിയ രണ്ടു യുവാക്കളാണ് സോഷ്യല്‍മീഡിയയിലെ താരങ്ങള്‍.

സമീര്‍ ഖാന്‍ എന്ന ഇന്‍സ്റ്റഗ്രാം അക്കൗണ്ടില്‍ നിന്നാണ് വീഡിയോ പങ്കുവെച്ചിരിക്കുന്നത്. ടീഷര്‍ട്ടും ഡെനിം സ്‌കേര്‍ട്ടും ധരിച്ചാണ് യുവാക്കള്‍ എത്തിയത്. ഇവരെ കണ്ട് മറ്റു യാത്രക്കാര്‍ അമ്പരന്ന് നില്‍ക്കുന്നത് ദൃശ്യങ്ങളില്‍ വ്യക്തമാണ്.

യുവാക്കളുടെ ധൈര്യം സമ്മതിച്ചു എന്ന തരത്തില്‍ നിരവധി കമന്റുകളാണ് പ്രത്യക്ഷപ്പെടുന്നത്. ഷര്‍ട്ടും പാന്റും അല്ലാതെ മറ്റു വസ്ത്ര ധാരണരീതികള്‍ പുരുഷന്മാര്‍ക്ക് കുറവാണ്. അതുകൊണ്ട് ഇത്തരം ഫാഷനുകള്‍ സാധാരണ വേഷമാക്കാവുന്നതാണ് എന്ന തരത്തിലും നിരവധി കമന്റുകള്‍ വരുന്നുണ്ട്.

ഈ വാര്‍ത്ത കൂടി വായിക്കൂ  

'എന്തുകൊണ്ടാണ് വനിതാ അത്‌ലറ്റുകളെ വേട്ടക്കാരില്‍ നിന്ന് രക്ഷിക്കാത്തത്?, മന്‍ കി ബാത്തില്‍ മറുപടി പറയൂ'; മോദിയോട് മഹുവ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ