മുംബൈ: സാമ്പത്തിക തട്ടിപ്പ് പരാതിയില്‍ മുന്‍ ഇന്ത്യന്‍ ക്രിക്കറ്റ് ക്യാപ്റ്റന്‍ എംഎസ് ധോനിയുടെ മുന്‍ ബിസിനസ് പാര്‍ട്ട്ണര്‍ അറസ്റ്റില്‍. ധോനിയുടെ പരാതിയിലാണ് അദ്ദേഹത്തിന്റെ ബാല്യകാല സുഹൃത്ത് കൂടിയായ മിഹിര്‍ ദിവാകറെയാണ് ജയ്പൂര്‍ പൊലീസ് അറസ്റ്റ് ചെയ്തത്. 15 കോടിയുടെ സാമ്പത്തിക തട്ടിപ്പ് നടത്തിയെന്ന് കാണിച്ചാണ് ധോനി ഇയാള്‍ക്കെതിരെ പരാതി നല്‍കിയത്.
2017ല്‍ മിഹിര്‍ ദിവാകറും ഭാര്യ സൗമ്യദാസിന്റെയും ഉടമസ്ഥതയിലുള്ള ആര്‍ക്ക് സ്‌പോര്‍ട്‌സ് ആന്‍ഡ് മാനേജ്‌മെന്റ് ലിമിറ്റഡില്‍ പങ്കാളിയായതോടെ ഇന്ത്യയിലും വിദേശത്തും ധോനിയുടെ പേരില്‍ ക്രിക്കറ്റ് അക്കാദമികള്‍ ആരംഭിക്കാന്‍ ധാരണയായിരുന്നു. പലയിടത്തും ക്രിക്കറ്റ് അക്കാദമികള്‍ തുടങ്ങിയ കമ്പനി, കരാര്‍ പ്രകാരമുള്ള ലാഭവിഹിതം നല്‍കിയില്ലെന്നും ധോനിയുടെ പരാതിയില്‍ പറയുന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
പലയിടത്തും തന്റെ അറിവോടെയല്ലാതെ അക്കാദമികള്‍ സ്ഥാപിച്ചതിനെ തുടര്‍ന്ന് 2021ല്‍ ധോനി കരാറില്‍ നിന്ന് പിന്‍മാറിയിരുന്നു. കരാറില്‍ നിന്ന് പിന്‍മാറിയിട്ടും താരത്തിന്റെ പേരില്‍ വീണ്ടും അക്കാദമികള്‍ ആരംഭിക്കുകയും ഇക്കാര്യം മറച്ചുവയ്ക്കുകയും ചെയ്തു. കരാര്‍ ലംഘനത്തിലൂടെ ധോനിക്ക് 15 കോടിയുടെ നഷ്ടമുണ്ടായതായി പരാതിയില്‍ പറയുന്നു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates