ലഖ്‌നൗ: പുരുഷന്മാര് ജോലി ചെയ്യുന്ന ബ്യൂട്ടി പാര്‍ലറില്‍ മുസ്ലീം സ്ത്രീകള്‍ പോകുന്നത് ഒഴിവാക്കണമെന്ന് ഇസ്ലാം മതപുരോഹിതന്‍. ഇത്തരം പാര്‍ലറുകളില്‍ പോയി സ്ത്രീകള്‍ മേക്കപ്പ് ചെയ്യുന്നത് ഇസ്ലാമിക നിയമത്തിന് എതിരാണെന്നും, വിലക്കപ്പട്ടതാണെന്നും അദ്ദേഹം പറഞ്ഞു. ഉത്തര്‍പ്രദേശിലെ സഹാരന്‍പൂരിലുള്ള മതപുരോഹിതന്‍ മുഫ്തി ആസാദ് കാസിമിയുടെതാണ് വിചിത്രമായ പരാമര്‍ശം.
പുരുഷന്മാര് ജോലി ചെയ്യുന്ന ബ്യൂട്ടി പാര്‍ലറുകള്‍ സന്ദര്‍ശിക്കുന്നത് ഒഴിവാക്കാനും പകരം സ്ത്രീകള്‍ മാത്രം ജോലി ചെയ്യുന്ന സലൂണുകള്‍ തെരഞ്ഞെടുക്കാനും ഇയാള്‍ മുസ്ലീം സ്ത്രീകളെ ഉപദേശിച്ചു.
അടുത്തിടെ, യുപിയിലെ കാന്‍പൂരില്‍ പുരികം ഷേപ്പ് ചെയ്തതിനെ തുടര്‍ന്ന് യുവതിയെ സൗദിയില്‍ ജോലി ചെയ്യുന്ന ഭര്‍ത്താവ് മൊബൈല്‍ ഫോണിലുടെ തലാഖ് ചൊല്ലിയിരുന്നു. തുടര്‍ന്ന് ഇയാള്‍ക്കെതിരെ യുവതി പൊലീസില്‍ പരാതി നല്‍കുകയും ചെയ്തു.
ഭര്‍ത്താവ് വീഡിയോ കോള്‍ ചെയ്യുന്നതിനിടെയാണ് ഭാര്യയുടെ പുരികം ഷേപ്പ് ചെയ്തത് കണ്ടെത്തിയത്. തുടര്‍ന്ന് ഭര്‍ത്താവ് പ്രകോപിതനാവുകയായിരുന്നു. തുടര്‍ന്ന് യുവതി നിരവധി വിശദീകരണം നല്‍കിയെങ്കിലും ചെവിക്കൊള്ളാതെ തലാഖ് ചൊല്ലുകയായിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates