ഭുവനേശ്വര്: ഹ്രസ്വദൂര ഭൂതല -ഭൂതല ബാലിസ്റ്റിക് മിസൈല് ഇന്ത്യ വിജയകരമായി പരീക്ഷിച്ചു. പ്രലേ എന്ന പേരില് അറിയപ്പെടുന്ന അത്യാധുനിക മിസൈല് ഒഡീഷ തീരത്തെ എപിജെ അബ്ദുള് കലാം ദ്വീപില് നിന്നാണ് പരീക്ഷിച്ചത്.
ഡിആര്ഡിഒയാണ് ഇത് വികസിപ്പിച്ചത്. ഇന്ത്യന് ബാലിസ്റ്റിക് മിസൈല് പദ്ധതിയിലെ പ്രിഥ്വി പ്രതിരോധ സംവിധാനത്തെ അടിസ്ഥാനമാക്കിയാണ് ഇത് വികസിപ്പിച്ചത്. പരീക്ഷണം വിജയകരമായിരുന്നുവെന്ന് അധികൃതര് അറിയിച്ചു.
350 മുതല് 500 കിലോമീറ്റര് വരെ ദൂരപരിധിയിലുള്ള ലക്ഷ്യസ്ഥാനം തകര്ക്കാന് ശേഷിയുള്ളതാണ് മിസൈല്. തദ്ദേശീയമായി നിര്മ്മിച്ച മിസൈല് അനായാസം കൊണ്ടുനടക്കാം എന്നതിനാല് യുദ്ധമേഖലയില് ഏറെ പ്രയോജനം ചെയ്യും.
ഇന്റര്സെപ്റ്റര് മിസൈലുകളെ പ്രതിരോധിക്കാന് ശേഷിയുള്ളതാണ് അര്ദ്ധ ബാലിസ്റ്റിക് മിസൈലായ പ്രലേ. സഞ്ചാരപഥത്തില് ഒരു നിശ്ചിത ദൂരം പിന്നിട്ട് കഴിഞ്ഞാല് ദിശമാറ്റാന് കഴിയുമെന്നതാണ് ഇതിന്റെ മറ്റൊരു പ്രത്യേകത. ആയിരം കിലോ വരെ ഭാരമുള്ള പോര്മുന വഹിക്കാന് ശേഷിയുള്ളതാണ് മിസൈല്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates