സേലം: ഇന്ന് നടക്കുന്ന നീറ്റ്​ പരീക്ഷക്ക്​ തയാറെടുത്തിരുന്ന 19കാരൻ ആത്മഹത്യചെയ്​ത നിലയിൽ. സേലം മേട്ടൂരിന്​ സമീപം ​കൂഴയ്യൂർ സ്വദേശിയായ എസ്​ ധനുഷാണ്​ ജീവനൊടുക്കിയത്​​. യുവാവിനെ കിടപ്പമുറിയിൽ മരിച്ച നിലയിൽ കണ്ടെത്തുകയായിരുന്നു. 

 മുമ്പ് രണ്ട് തവണ പരീക്ഷ എഴുതിയിട്ടും അഡ്മിഷൻ നേടാനായില്ല. പരീക്ഷയിൽ വിജയിക്കില്ലെന്ന പേടി ധനുഷിനുണ്ടായിരുന്നതായി ബന്ധുക്കൾ പറഞ്ഞു. മൃതദേഹം പോസ്​​റ്റ്​മോർട്ടത്തിനായി ​പൊലീസിന്‍റെ നേതൃത്വത്തിൽ​ സർക്കാർ ആശുപത്രിയിലേക്ക്​ മാറ്റി. സംഭവത്തിൽ പൊലീസ്​ കേസ്​ രജിസ്റ്റർ ചെയ്​തു.