ന്യൂഡല്ഹി: നീറ്റ് പരീക്ഷാ മാനദണ്ഡങ്ങള് പുതുക്കി നാഷണല് ബോര്ഡ് ഓഫ് എക്സാമിനേഷന് മെഡിക്കല് സയന്സ് (NBEMS). ഈ വര്ഷത്തെ നീറ്റ് പിജി പരീക്ഷ ഓഗസ്റ്റ് 30ന് നടക്കും. സെപ്റ്റംബര് 30നുള്ളില് പരീക്ഷാ ഫലം വരും. അപേക്ഷിക്കാനുള്ള അവസാന തീയതി ജൂലൈ 21 രാത്രി 11.55 വരെയാണ്. പരീക്ഷാകേന്ദ്രങ്ങള് ഓഗസ്റ്റ് പതിനൊന്നിന് പ്രസിദ്ധീകരിക്കും.
പരീക്ഷാ കേന്ദ്രങ്ങള് അനുവദിക്കുന്നതില് മാറ്റം വരുത്തി. ആദ്യം അപേക്ഷിക്കുന്നവര്ക്ക് മുന്ഗണന ലഭിക്കില്ല. ആദ്യ ഓപ്ഷന് നല്കേണ്ടത് വിലാസത്തിലെ സംസ്ഥാനമാണ്. ബാക്കി രണ്ടെണ്ണംഅയല് സംസ്ഥാനങ്ങള് നല്കണം. വിലാസവും സംസ്ഥാനങ്ങളും മാറ്റാന് ആകില്ല. ആധാര് അടിസ്ഥാനമാക്കിയാവും ബയോ മെട്രിക് വെരിഫിക്കേഷന്
പരീക്ഷയ്ക്കുള്ള യോഗ്യതയും അപേക്ഷാ നിയമങ്ങളും ശ്രദ്ധാപൂര്വം വായിക്കണമെന്ന് ഉദ്യോഗാര്ത്ഥികളോട് അധികൃതര് നിര്ദ്ദേശിച്ചു. ഉദ്യോഗാര്ഥികള് മൂന്ന് മാസത്തിനുള്ളില് എടുത്ത ഫോട്ടോ, ഒപ്പ് മറ്റുള്ളവ മാര്ഗ്ഗനിര്ദ്ദേശങ്ങള്ക്ക് അനുസൃതമായി അപ്ലോഡ് ചെയ്യണം.,ഓഥന്റിക്കേഷന്, ഐഡന്റിറ്റി വെരിഫിക്കേഷന്, ബയോമെട്രിക് വെരിഫിക്കേഷന്, സെക്യൂരിറ്റി നടപടികള് എന്നിവ കൃത്യസമയത്ത് പൂര്ത്തിയാക്കുന്നതിനായി നേരത്തെ തന്നെ പരീക്ഷാ കേന്ദ്രത്തില് റിപ്പോര്ട്ട് ചെയ്യണമെന്നും NBEMS എല്ലാ ഉദ്യോഗാര്ത്ഥികളോടും നിര്ദ്ദേശിച്ചിട്ടുണ്ട്. ഔദ്യോഗിക രേഖ പ്രകാരം NEET PG 2026 പരീക്ഷാ ഫലം സെപ്റ്റംബര് 30-നകം പ്രഖ്യാപിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates