ന്യൂഡല്ഹി: മഹാരാഷ്ട്രയില് കണ്ടെത്തിയ പുതിയ കൊറോണ വൈറസ് വകഭേദം കൂടുതല് അപകടകാരിയാന് സാധ്യതയെന്ന് എയിംസ് മേധാവി ഡോ. രണ്ദീപ് ഗുലേറിയ. പ്രതിരോധ ശേഷി നേടിയവരെയും കോറോണ വൈറസ് ബാധിക്കാന് സാധ്യതയുണ്ടെന്നും അദ്ദേഹം പറയുന്നു
കോവിഡ് മോചനം സാധ്യമാകണമെങ്കില് 80 ശതമാനം പേരിലെങ്കിലും ആന്റിബോഡി രൂപപ്പെടണം. കൂടുതല് വ്യാപനശേഷിയുള്ള പുതിയ വൈറസ് വകഭേദം വ്യാപിച്ചാല് ഇത് സാധ്യമല്ലെന്നും പുതിയ വൈറസ് വകഭേദങ്ങള്ക്ക് പ്രതിരോധ ശേഷി നേടിയ ആളില് വീണ്ടും രോഗബാധയയ്ക്ക് കാരണമായേക്കാമെന്നും അദ്ദേഹം ചൂണ്ടിക്കാട്ടുന്നു
ഇപ്പോഴുള്ള വാക്സിനുകള് പുതിയ വകഭേദങ്ങള്ക്കെതിരേ ഫലപ്രദമായേക്കാം. എന്നാല് അവയുടെ കാര്യക്ഷമത കുറവാകാനാണ് സാധ്യത. അതായത്, വാക്സിന് സ്വീകരിച്ചവര്ക്ക് ഉണ്ടാകുന്ന രോഗബാധയുടെ തീവ്രത കുറവായിരിക്കാന് ഇടയുണ്ട്. പുതിയ വകഭേദങ്ങളെ പ്രതിരോധിക്കുന്നതിന് വാക്സിനുകളില് മാറ്റങ്ങള് വരുത്തേണ്ടതുണ്ടോ എന്ന കാര്യം വരും മാസങ്ങളില് രോഗബാധയുടെ സ്വഭാവം നോക്കിയേ പറയാനാകൂ അദ്ദേഹം പറയുന്നു.
പുതിയ വകഭേദങ്ങളുടെ ഭീഷണി നിലനില്ക്കുന്നതിനാല് കോവിഡിനെ പ്രതിരോധിക്കുന്നതിനുള്ള മാര്ഗങ്ങള് ജീവിതത്തിന്റെ ഭാഗമാക്കുകയാണ് പ്രതിവിധി. വ്യാപകമായ പരിശോധന, ക്വാറന്റൈന് തുടങ്ങിയ നടപടികള് ഇന്ത്യയില് തിരികെ കൊണ്ടുവരേണ്ടതുണ്ടെന്നും ഡോക്ടര് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates