അഹമ്മദാബാദ്: കാമസൂത്ര പുസ്തകത്തിന്റെ കോപ്പി കത്തിച്ച് ബജ്രംഗ്ദള്‍. ഗുജറാത്തിലെ അഹമ്മദാബാദിലാണ് സംഭവം നടന്നത്. ഹിന്ദു ദൈവങ്ങളെ അപമാനിക്കുന്നതാണ് കാമസൂത്ര എന്നാരോപിച്ചാണ് ബജ്രംഗ്ദള്‍ പ്രവര്‍ത്തകര്‍ പുസ്തകം കത്തിച്ചത്. അഹമ്മദാബാദിലെ ഒരു ബുക്ക് സ്റ്റാളിന് മുന്നിലായിരുന്നു  ഹിന്ദുത്വ സംഘടയുടെ പ്രകടനം. 

ഹിന്ദു ദൈവങ്ങളെ അശ്ലീലമായി ചിത്രീകരിക്കുന്ന പൊസിഷനുകള്‍ കാണിച്ച് പുസ്തകത്തിന്റെ വില്‍പ്പന തുടര്‍ന്നാല്‍ അടുത്തതവണ ബുക്‌സ്റ്റാള്‍ കത്തിക്കുമെന്നും ഇവര്‍ ഭീഷണിപ്പെടുത്തി.