ലഖ്‌നൗ: കോവിഡ് വകഭേദമായ ഒമൈക്രോണ്‍ വൈറസ് വൈറല്‍ പനിയെപ്പോലെയാണെന്നും പരിഭ്രമിക്കേണ്ടതില്ലെന്നും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. 'ഒമൈക്രോണ്‍ വൈറസ് വേഗത്തിലാണ് പടരുന്നത്. എന്നാല്‍ ചെറിയ രോഗത്തിനാണ് ഇത് കാരണമാകുന്നത്. വൈറസ് ശേഷി കുറഞ്ഞതാണ്. ഇത് വൈറല്‍ പനി പോലെയാണ്. പക്ഷേ മുന്‍കരുതലുകള്‍ ആവശ്യമാണ്' ആദിത്യനാഥ് പറഞ്ഞു. 

ഡെല്‍റ്റ വകഭേദത്തെപ്പോലെ അത്ര മാരകമല്ല ഒമൈക്രോണ്‍ എന്നും ഒമൈക്രോണ്‍ ബാധിച്ചവര്‍ നാലഞ്ച് ദിവസത്തിനുള്ളില്‍ രോഗമുക്തരാകുന്നുണ്ടെന്നും  ഉത്തര്‍പ്രദേശ് മുഖ്യമന്ത്രി പറഞ്ഞു. 

'മാര്‍ച്ച്-ഏപ്രില്‍ മാസങ്ങളില്‍ വ്യാപിച്ച ഡെല്‍റ്റ വകഭേദത്തില്‍ ആളുകള്‍ രോഗമുക്താരാകാന്‍ 15-25 ദിവസം എടുക്കുന്നുണ്ടായിരുന്നു. എന്നാല്‍ ഈ അനുഭവം ഒമൈക്രോണിന്റെ കാര്യത്തില്‍ ഉണ്ടായിട്ടില്ല'- യോഗി ആദിത്യനാഥ് കൂട്ടിച്ചേര്‍ത്തു. രാജ്യത്ത് ഇതുവരെയായി 1,700 പേര്‍ക്കാണ് ഒമൈക്രോണ്‍ സ്ഥിരീകരിച്ചത്.