പുതുച്ചേരി: പുതുച്ചേരിയില്‍ മാന്‍ഹോളിലൂടെ വീടിനുള്ളിലേക്ക് കയറിയ വിഷവായു ശ്വസിച്ച് മൂന്ന് മരണം. മരിച്ച മൂന്ന് പേരും സ്ത്രീകളാണ്. മാന്‍ഹോളിലൂടെ പുറത്ത് വന്ന വിഷവായു ശുചിമുറിയിലൂടെയാണ് വീടിനുള്ളിലേക്കെത്തിയത്. ഇത് ശ്വസിച്ച രണ്ടുപേര്‍ ഗുരുതരാവസ്ഥയില്‍ ആശുപത്രിയില്‍ ചികിത്സയിലാണ്. ഇതിന് പിന്നാലെ പ്രദേശത്ത് കനത്ത ജാഗ്രത പ്രഖ്യാപിച്ചിട്ടുണ്ട്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

റെഡ്ഡിപാളയം മേഖലയിലാണ് ദാരുണമായ സംഭവം.ശുചിമുറിയില്‍ പോയവരാണ് അപകടത്തില്‍പ്പെട്ടത്. വിഷ വായു ശ്വസിച്ച് വീട്ടിലെ സ്ത്രീകള്‍ നിലവിളിച്ചതായാണ് റിപ്പോര്‍ട്ട്. റെഡ്ഡിപാളയം, പുതുനഗര്‍ മേഖലയിലെ മുഴുവന്‍ മാന്‍ഹോളുകളും തുറന്നിട്ടുണ്ട്. പ്രദേശത്തെ വീടുകളിലുള്ളവരെ ഒഴിപ്പിച്ച് ജാഗ്രത പ്രഖ്യാപിച്ചിട്ടുണ്ട്.