മുംബൈ: മഹാരാഷ്ട്രയിലെ താനെയില് പെണ്വാണിഭകേന്ദ്രം നടത്തിയിരുന്ന നടി അറസ്റ്റില്. രഹസ്യ വിവരത്തിന്റെ അടിസ്ഥാനത്തില് പൊലീസ് നടത്തിയ റെയ്ഡില് നടി അനുഷ്ക മോണി മോഹന് ദാസ് (41) ആണ് അറസ്റ്റിലായത്. സെക്സ് റാക്കറ്റിന്റെ പിടിയില് നിന്നും രണ്ടു നടിമാരെ പൊലീസ് രക്ഷപ്പെടുത്തി.
ടിവി സീരിയലുകളിലും ബംഗ്ലാ സിനിമയിലും സജീവമായ രണ്ട് സ്ത്രീകളെയാണ് പൊലീസ് ഉദ്യോഗസ്ഥര് രക്ഷപ്പെടുത്തിയത്. അഭിനയമോഹവുമായെത്തുന്ന യുവതികളെ നിര്ബന്ധിച്ച് സെക്സ് റാക്കറ്റില്പ്പെടുത്തുകയായിരുന്നു ഇവര് ചെയ്തിരുന്നതെന്ന് പൊലീസ് പറഞ്ഞു.
രഹസ്യ വിവരം ലഭിച്ചതിന്റെ അടിസ്ഥാനത്തില് ഇടപാടുകാരെന്ന വ്യാജേനയാണ് പൊലീസ് അനുഷ്കയെ സമീപിക്കുന്നത്. മുംബൈ - അഹമ്മദാബാദ് ഹൈവേയിലെ ഒരു മാളില് വെച്ച് നേരില് കാണാമെന്ന് അനുഷ്ക അറിയിച്ചു. തുടര്ന്ന് സെക്സ് റാക്കറ്റ് നടത്തിപ്പുകാരിയായ നടിയെ അറസ്റ്റ് ചെയ്യുകയായിരുന്നു.
പിന്നാലെ പെണ്വാണിഭ കേന്ദ്രം റെയ്ഡ് ചെയ്യുകയും രണ്ട് നടിമാരെ രക്ഷപ്പെടുത്തുകയും ചെയ്തുവെന്ന് അസിസ്റ്റന്റ് പൊലീസ് കമ്മീഷണര് മദന് ബല്ലാല് പറഞ്ഞു. പെണ്വാണിഭ കേന്ദ്രം നടത്തിപ്പില് മറ്റാര്ക്കെങ്കിലും പങ്കുണ്ടോ എന്നതടക്കം വിശദമായി അന്വേഷിച്ചു വരികയാണ്. രക്ഷപ്പെടുത്തിയ യുവതികളെ ഷെല്റ്റര് ഹോമിലേക്ക് മാറ്റിയതായും അസിസ്റ്റന്റ് പൊലീസ് കമ്മീഷണര് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates