കോയമ്പത്തൂർ: ബൈക്കില്‍ ഷാള്‍ കുരുങ്ങി പത്ത് വയസ്സുകാരി റോഡിൽ വീണു മരിച്ചു. അമ്മയും അയൽക്കാരനുമൊത്തു അശുപത്രിയിൽ പോയി മടങ്ങുന്നതിനിടെയാണ് അപകടം. അന്നൂർ വടക്കല്ലൂർ സുബ്രഹ്മണിയുടെ മകൾ ദർശന ആണ് മരിച്ചത്. അഞ്ചാം ക്ലാസ് വിദ്യാർത്ഥിനിയാണ് ദർശന. 

അസുഖം ബാധിച്ച ദർശനയെ അയൽക്കാരൻ വിഘ്നേശിന്റെ ബൈക്കിൽ അമ്മ സർക്കാർ ആശുപത്രിയിൽ കൊണ്ടുപോയി മടങ്ങിവരുമ്പോഴാണ് അപകടം. കാറ്റു തട്ടാതിരിക്കാൻ കുട്ടിയുടെ കഴിത്തിൽ ഷാൾ മുറുക്കി ചുറ്റിയിരുന്നു. 

വിഘ്നേശിനും അമ്മയ്ക്കും ഇടയിലാണ് ദർശന ഇരുന്നിരുന്നത്. ദർശനയുടെ ഷാൾ ബൈക്കിന്റെ പിൻചക്രത്തിൽ കുടുങ്ങി. റോഡിൽ തെറിച്ചു വീണ ദർശന തല കഴുത്തിൽനിന്നു വേർപെട്ടാണു മരിച്ചത്.